شەرزات پولاتتىڭ ولىمىنە قاتىستى ءىس سوتقا قاشان جولدانادى
استانا. KAZINFORM - ق ر باس پروكۋرورىنىڭ ورىنباسارى عالىمجان قويگەلديەۆ شەرزات پولاتتىڭ ولىمىنە قاتىستى قىلمىستىق ءىستىڭ ماتەريالدارىمەن تانىستىرۋ پروتسەسىنە تۇسىنىك بەردى.

بۇگىن پارلامەنت ماجىلىسىندە وتكەن باسپا ءسوز ءماسليحاتىندا تىلشىلەر تالعارداعى شەرزات پولاتتىڭ ىسىنە قاتىستى سوتقا ماتەريالدار قاشان جولداناتىنىن سۇرادى.
ءوز كەزەگىندە ع. قويگەلديەۆ قازىر تەرگەۋ ارەكەتتەرى اياقتالعانىن ەسكە سالدى. ماتەريالدارمەن تانىسۋ ءجۇرىپ جاتىر.
- بۇل ءىستىڭ ماتەريالدارىمەن تانىسۋ ۋاقىتى ەشقانداي مەرزىممەن شەكتەلمەيدى. جالپى ايتقاندا، تەرگەۋ اياسىندا 39 ساراپتاما بەكىتىلدى. سونىمەن قاتار، جابىرلەنۋشىلەر مەن كۇدىكتىلەردەن 117 جاۋاپ الۋ ءىس-شاراسى بولدى. 36 رەت كوزبە-كوز بەتتەستىرۋ ۇيىمداستىرىلدى. اتاپ ايتقاندا، اۋقىمدى ماتەريال قامتىلدى، سوندىقتان ونىڭ بارىنە تالداۋ جاساۋ كەرەك ەدى. وسىنىڭ ءبارى زەرتتەلدى. ەندى بۇل ماتەريالدار تانىسۋعا جولداندى جانە وعان ءتيىستى ۋاقىت قاجەت، - دەدى باس پروكۋروردىڭ ورىنباسارى.
ونىڭ ايتۋىنشا، بۇعان دەيىن ۇستالعان ادامداردىڭ سانى وزگەرمەگەن.
بۇدان بۇرىن حابارلانعانداي، جاقىندا شەرزات پولاتتىڭ ءىسى بويىنشا تەرگەۋ اياقتالدى.