شەرزات پولاتتىڭ ءىسى: تەرگەۋ قاشان اياقتالادى
الماتى. KAZINFORM - شەرزات پولاتتىڭ ولىمىنە قاتىستى تەرگەۋ جۇمىستارى ءالى اياقتالعان جوق.
بىلتىر ىشكى ىستەر مينيسترلىگى شەرزات پولاتتىڭ ولىمىنە قاتىستى قىلمىستىق ءىستى تەرگەۋ جىل سوڭىنا دەيىن اياقتالاتىنىن حابارلاعان ەدى.
الايدا ىشكى ىستەر مينيسترلىگى Kazinform اگەنتتىگىنىڭ ساۋالىنا جاۋاپ بەرىپ، بۇل ءىس بويىنشا تەرگەۋ جۇمىستارى قازىرگى ۋاقىتتا دا جالعاسىپ جاتقانىن حابارلادى.
- الماتى وبلىسىنىڭ پوليتسيا دەپارتامەنتىندە تالعاردا كىسى ءولتىرۋ فاكتىسى بويىنشا قىلمىستىق ءىس تىركەلدى. ودان بولەك ۇرلىق، بۇزاقىلىق، قورقىتۋ جانە قىلمىس تۋرالى حابارلاماۋ فاكتىسى بويىنشا قوسىمشا 8 قىلمىستىق ءىس تىركەلدى. ءىستىڭ 11 قاتىسۋشىسىنا قاتىستى «قاماۋدا ۇستاۋ» بۇلتارتپاۋ شاراسى تاڭدالدى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر، ناتيجەلەرى بويىنشا پروتسەستىك شەشىم قابىلدانادى، - دەلىنگەن ءى ءى م-نىڭ جاۋابىندا.
