شەرزات پولاتتىڭ ءىسى بويىنشا تەرگەۋ اياقتالدى

قونايەۆ. قازاقپارات — 16 جاستاعى جاس ءوسپىرىمنىڭ ولىمىنە قاتىستى قىلمىستىق ءىستى تەرگەۋ اياقتالدى.

дом Шерзата Болата
Фото: Александр Павский/ Kazinform

بۇل تۋرالى زارداپ شەككەن وتباسىنىڭ ادۆوكاتتارى الەۋمەتتىك جەلىدە حابارلاعان بولاتىن. الماتى وبلىسىنىڭ پوليتسيا دەپارتامەنتى ايتىلعان دەرەكتى راستادى.

— وتكەن جىلى 4-قازانعا قاراعان ءتۇنى بولعان كامەلەتكە تولماعان ادامدى ءولتىرۋ فاكتىسى بويىنشا قىلمىستىق ءىستى تەرگەۋ اياقتالدى. قازىرگى ۋاقىتتا تاراپتاردى سوتقا دەيىنگى تەرگەۋ ماتەريالدارىمەن تانىستىرۋ پروتسەسى ءجۇرىپ جاتىر. تاراپتار تانىسقاننان كەيىن قىلمىستىق ءىس ونىڭ زاڭدىلىعىن تەكسەرۋ جانە سوتقا جىبەرۋ تۋرالى ماسەلەنى شەشۋ ءۇشىن پروكۋرورعا جىبەرىلەدى، — دەپ حابارلادى وبلىستىق پ د باسپا ءسوز قىزمەتى.

ەسكە سالايىق، بۇعان دەيىن 4-قازاندا تالعار قالاسىنداعى توبەلەستەن ءبىر جاس ءوسپىرىم قايتىس بولعانىن جازعانبىز.

اشۋلى تالعارلىقتار جاس ءوسپىرىم ولىمىنە بايلانىستى نارازىلىققا شىقتى.

الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن رەسمي تۇردە حابارلادى.

12-قازان كۇنى تۇندە قارا جامىلعان وتباسىنىڭ ءۇيى ورتەنىپ كەتتى. الماتى وبلىسىنىڭ پوليتسيا دەپارتامەنتى بوتەننىڭ مۇلكىن قاساقانا جويۋ فاكتىسى بويىنشا ءىس قوزعادى.

پروكۋراتۋرا سوتتىڭ اشىق ءوتۋىن سۇرايتىندارىن جەتكىزدى.

سوڭعى جاڭالىقتار