شەرزات سوتى: وقيعا بويىنشا مەملەكەتتىك ساراپتاما قورتىندىسى جاريالاندى

تالدىقورعان. KAZINFORM - بۇگىن جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا شەرزات پولاتتىڭ ولىمىنە قاتىستى قىلمىستىق ءىس بويىنشا كەزەكتى اشىق سوت وتىرىسى جالعاسىپ جاتىر.

وتىرىس بارىسىندا مەملەكەتتىك ايىپتاۋشىلار سوت-مەديتسينالىق ساراپتاما قورىتىندىسىن وقىپ، مارقۇم قانداي دەنە جاراقاتىنان كوز جۇمعانىن مالىمدەدى. سونداي-اق سوتقا مەملەكەتتىك سوت-مەديتسينا ساراپتاماشىسى شاقىرىلدى.

ساراپتاما جۇرگىزگەن مۇحيت كوشەروۆ - الماتى قالالىق سوت-مەديتسينا ساراپتاما ورتالىعىنىڭ تالعار بولىمشەسىنىڭ مامانى. ونىڭ ايتۋىنشا، مارقۇمنىڭ سول جاق كەۋدە قۋىسىنا ەنگەن، شانشىلا كەسىلگەن جاراقات تىركەلگەن.

- جارا 5 جانە 6-قابىرعالار اراسىنان ەنىپ، پليەۆرا قۋىسىنا ءوتىپ، سول جاق وكپەنىڭ بولىگىن زاقىمداعان. جارانىڭ سىرتقى ولشەمى - 2 س م، تەرەڭدىگى - 12 س م. باعىتى ارتتان العا، سولدان وڭعا جانە جوعارىدان تومەنگە قاراي باعىتتالعان. سونىمەن قاتار وڭ كوزى استىندا جانە وڭ قولىندا قانتالاۋ، ال، ەكى قولىندا، جەلكەسىنىڭ سول جاعىندا جانە وڭ تىزەسىندە سىزاتتار انىقتالدى، - دەدى ساراپشى.

ساراپتاما قورىتىندىسىنا سايكەس، مارقۇمنىڭ تىكەلەي ولىمىنە سول جاق كەۋدە قۋىسىنا ەنگەن جاراقات سەبەپ بولعان. ول وكپەنىڭ زاقىمدانۋىمەن قاتار، وكپەقاپ قۋىسىندا 1500 م ل قاننىڭ جينالۋىنا اكەلگەن. قالعان جاراقاتتاردىڭ ولىمگە سەبەپ بولماعانى اتاپ ءوتىلدى.

مۇحيت كوشەروۆتىڭ ايتۋىنشا، ەگەر جەدەل مەديتسينالىق كومەك دەر كەزىندە كورسەتىلىپ، وپەراتسيا جاسالعاندا، شەرزات پولاتتى امان الىپ قالۋ مۇمكىندىگى بولعان.

ايتا كەتەيىك، وسىعان دەيىن ابزال شىناسىل سوتتالۋشىلاردىڭ بىرەۋى شەرزاتقا پىشاق سالعانى جايلى مالەمدەگەن بولاتىن.

پىشاقتى كوردىم، ءبىراق ءوزىمدى عانا قورعاۋعا تىرىستىم.

ابزال شىناسىل كىمدى پىشاقتاعانىن ايتتى.

ايتا كەتەيىك، شەرزات پولاتتىڭ ءولىمى بويىنشا العاشقى سوت وتىرىسىندا پروكۋرور وقيعانىڭ تولىق حرونولوگياسىن باياندادى.