Eren Holding قازاقستانعا ينۆەستيتسيا سالۋ ءۇشىن الەۋەتتى جوبالاردى قاراستىرادى

 ق ر پرەمەر-ءمينيسترى ءاليحان سمايىلوۆ پەن Eren Holding باسشىسى احمەت ەرەن قازاقستان ەكونوميكاسىنىڭ ءتۇرلى سالالارىندا جاڭا ينۆەستيسيالىق جوبالاردى ىسكە قوسۋ پەرسپەكتيۆالارىن تالقىلادى، دەپ حابارلايدى قازاقپارات. 

Eren Holding Қозоғистонга сармоя киритиш учун потенциал лойиҳаларни кўриб чиқади
Фото: Фото: primeminister.kz

ءاليحان سمايىلوۆ ۇكىمەت اتالعان حولدينگتىڭ رەسپۋبليكا اۋماعىنداعى جوبالارعا ينۆەستيسيا سالۋ نيەتىن جوعارى باعالايتىنىن اتاپ ءوتتى. ونىڭ ايتۋىنشا، بۇگىندە ەلىمىزدە تۇرىك كاپيتالىنىڭ قاتىسۋىمەن 4 مىڭنان استام كومپانيا جۇمىس ىستەيدى. اتاپ ايتقاندا، تاۋ-كەن مەتاللۋرگيا كەشەنى، ينفراقۇرىلىم، تاماق ونەركاسىبى جانە فارماتسيەۆتيكا سياقتى سالالاردا جوبالار ىسكە قوسىلدى.

«ەكى ەل اراسىنداعى قالىپتاسقان ورنىقتى سەنىم دەڭگەيى مەن ىنتىماقتاستىققا دەگەن ورتاق ۇمتىلىس بىزگە جاڭا پەرسپەكتيۆالار اشۋعا مۇمكىندىك بەرەدى»، - دەدى پرەمەر-مينيستر.

ۇكىمەت باسشىسى اتاپ وتكەندەي، بۇگىندە ەلىمىزدە ينۆەستورلار ءۇشىن بارلىق قاجەتتى جاعدايلار جاسالعان جانە زاماناۋي ينستيتۋتسيونالدىق ورتا قالىپتاسقان. اتاپ ايتقاندا، باسىم سالالارداعى جوبالاردى جۇزەگە اسىرۋ اياسىندا كەدەندىك تولەمدەردەن بوساتۋ، ءتۇرلى سالىق جەڭىلدىكتەرى، سالىق زاڭناماسىنىڭ تۇراقتىلىعىنا كەپىلدىكتەر جانە ت. ب. قاراستىرىلعان.

ءوز كەزەگىندە احمەت ەرەن ءتيىستى ينۆەستيتسيالىق شەشىمدەر قابىلداۋ ءۇشىن حولدينگتىڭ قازاقستاندا الەۋەتتى جوبالاردى زەردەلەۋگە دايىن ەكەنىن ايتتى.

«ءبىز ءوندىرىستى كەڭەيتەمىز جانە ينۆەستيتسيالىق جاڭا مۇمكىندىكتەردى قاراستىرىپ جاتىرمىز. بۇل قاعاز ءوندىرىسى، ەنەرگەتيكا جانە توقىما ونەركاسىبى سياقتى سالالار بولۋى مۇمكىن. ءبىز تاۋ- كەن مەتاللۋرگيا كەشەنىنە دە ينۆەستيتسيا سالۋعا دايىنبىز. بۇل رەتتە، جۇمىستىڭ جوعارى ساپاسىنا قول جەتكىزۋگە مۇمكىندىك بەرەتىن تەحنولوگيالار بار. سوندىقتان ينۆەستيتسيا ماسەلەلەرىن بىرلەسىپ قاراستىرعىمىز كەلەدى»، - دەدى Eren Holding باسشىسى.

كەزدەسۋ ناتيجەسىندە قازاقستان اۋماعىندا الەۋەتتى ينۆەستيتسيالىق جوبالار پۋلىن پىسىقتاۋ جانە بارلىق وزەكتى ماسەلەلەر بويىنشا بەلسەندى ديالوگتى قولداۋ تۋرالى كەلىسىمگە قول جەتكىزىلدى.

سوڭعى جاڭالىقتار