شەنگەن ۆيزاسىنا قازاقستان ازاماتتارىنىڭ جالعان مالىمەت ۇسىنۋ دەرەكتەرى جيىلەپ كەتتى –س ءى م
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ ەۋروپا وداعىنىڭ ۆيزا بەرۋ پروتسەسى نەگە قيىنداعانىن ءتۇسىندىردى.
«قازىر قازاقستان سىرتقى ىستەر مينيسترلىگى ەۋروپا وداعى وكىلدەرىمەن ۆيزالىق رەجيمدى جەڭىلدەتۋ بويىنشا جۇمىستاردى اتقارىپ جاتىر. ەۋروپا ەلدەرى كونسۋلدارىنىڭ اقپاراتىنا قاراعاندا، قازاقستاندا جالعان قۇجاتتاردى ۇسىنۋ دەرەكتەرى جيىلەپ كەتتى. بۇل ءوز كەزەگىندە شەنگەن ۆيزاسىن بەرۋدەن باس تارتۋ فاكتىلەرىنىڭ وسۋىنە الىپ كەلەدى»، - دەدى ا. سمادياروۆ ۆەدومستۆوداعى اپتالىق باسپا ءسوز ءماسليحاتىندا.
بۇل تۇرعىدا ول ۆيزا الۋ ءۇشىن جالعان دەرەكتەرى بار قۇجاتتاردى ۇسىنۋ قازاقستان يميدجىنە ەلەۋلى زيان كەلتىرىپ، كەلىسسوز جۇرگىزۋدى قيىنداتاتىنىن ايتتى. سونداي-اق بولاشاقتا ۆيزادان باس تارتۋ مۇمكىندىگىن ارتتىرا وتىرىپ، ازاماتتارىمىزدىڭ ۆيزالىق مالىمەتتەرىن ناشارلاتادى.
مۇنداي جالعان قۇجاتتار مۇقيات تەكسەرىلەتىنىن ەسكەرسەك، ۆيزالىق وتىنىشتەردى قاراۋ مەرزىمىن ۇزارتادى.
«سونىڭ ناتيجەسىندە ازاماتتاردىڭ ۆيزانى كەشىكتىرۋ تۋرالى شاعىمدارى جيىلەپ كەتتى. وسىعان بايلانىستى قاجەت قۇجاتتاردى ۇسىنۋ، ۆيزاعا ءوتىنىش بەرۋ، ءتيىستى الىمداردى تولەۋ پروتسەسىن مۇقيات باقىلاۋعا شاقىرامىز»، - دەدى رەسمي وكىل.
