«شنجوۋ-18» عارىش كەمەسى قىتاي عارىش ستانتسياسىمەن ءتۇيىستى
استانا. KAZINFORM - بورتىندا ءۇش تايكوناۆتى بار «شنجوۋ-18» عارىش كەمەسى جۇما كۇنى تاڭەرتەڭ قىتايدىڭ وربيتالىق ستانسياسىمەن ءساتتى ءتۇيىستى.
بۇل تۋرالى قىتايدىڭ باسقارىلاتىن ۇشۋ باعدارلاماسى باسقارماسىنان حابارلادى.
Xinhua اگەنتتىگىنىڭ حابارلاۋىنشا، جۇما كۇنى «شنجوۋ-18» كەمەسىنىڭ بورتىنداعى ءۇش عارىشكەر «تيانگۋن» عارىش ستانسياسىنا كىردى.
جاڭا ەكيپاج وربيتادا التى ايعا جۋىق ۋاقىت بولادى. قازىر وربيتادا جۇرگەن «شنجوۋ-17» ەكيپاجى عارىشكەرلەر اۋىسقان سوڭ وسى ايدىڭ سوڭىندا جەرگە ورالادى.
ەسكە سالا كەتسەك، «شنجوۋ-18» باسقارىلاتىن عارىش كەمەسى بەيسەنبى كۇنى گانسۋ پروۆينتسياسىنداعى تسزيۋتسيۋان سپۋتنيكتىك ۇشىرۋ ورتالىعىنان ۇشىرىلىپ، «تيانگۋن» وربيتالىق ستانسياسىنا ءۇش ادامنان تۇراتىن ەكيپاجدى جەتكىزدى.
«شنجوۋ-18» عارىشتىق ميسسياسىن قىتايلىق عارىشكەرلەر ە گۋانفۋ، لي تسۋن جانە لي گۋانسۋ جۇزەگە اسىرۋدا.
قىتايلىق «تيانگۋن» وربيتالىق ستانسياسى شامامەن 400 ك م بيىكتىكتە ورنالاسقان جانە «ت» ءتارىزدى نىسان ۇلگىسىندە سالىنعان. ول 2022-جىلى تۇراقتى پايدالانۋعا بەرىلدى جانە ءۇش ادامعا ارنالعان (بريگادالاردىڭ اۋىسۋى كەزىندە قىسقا ۋاقىتقا التى ادامعا دەيىن).
