الاكولگە دەيىن Embraer ءتيپتى ۇلكەن ۇشاقتار ۇشاتىن بولادى - ش ق و اكىمدىگى
ۇشىپ- قونۋ جولاعى قايتا جاڭارتىلعاننان كەيىن ءۇرجار اۋەجايى ورتا قاشىقتىقتاعى ۇشاقتاردى، سونىڭ ىشىندە جاقىن شەت ەلدەردەن كەلەتىن ۇشاقتاردى قابىلداي الاتىن بولادى.
اكىم شىعىس قازاقستان تابيعي جانە مادەني كورىكتى جەرلەرى مەن ساۋىقتىرۋ دەمالىس ورىندار سانى بويىنشا جەتەكشى وڭىرلەردىڭ ءبىرى ەكەنىن اتاپ ءوتتى. سوندىقتان، ايماقتاعى ءتۋريزمدى دامىتۋ ەڭ ماڭىزدى ماسەلە رەتىندە كۇن تارتىبىنەن تۇسپەيدى.
«ءبىزدىڭ وبلىستىڭ ءىنجۋ- مارجانى - الاكول. قازىر وندا سۋ ءتۇبىن تازارتۋ جۇمىستارى جۇرگىزىلىپ، قۇتقارۋشىلار مەن پوليسيا كەزەكشىلىك ەتۋدە. وسى ماۋسىمدا 163 ءقوناقۇي مەن دەمالىس بازاسى دەمالۋشىلارعا قىزمەت كورسەتەتىن بولادى. ولاردىڭ 94 ءى ASHYQ جۇيەسىن قوسقان. 900 قىزمەتكەردىڭ %80 كوروناۆيرۋسقا قارسى ەكپە سالدىردى. وتكەن جىلداعىداي الاكولدى COVID-19-دان تازا ايماققا اينالدىرعىمىز كەلەدى. ەستەرىڭىزگە سالا كەتەيىن، 2020 -جىلى جاعالاۋدا بىردە- ءبىر ينفەكتسيا تىركەلگەن جوق»، - دەدى د. احمەتوۆ.
سونداي- اق، وبلىس اكىمى اتاپ وتكەندەي، 17-ماۋسىمنان باستاپ الاكولگە دەيىن الماتى، نۇر- سۇلتان، سەمەي جانە وسكەمەن قالالارىنان قوسىمشا پويىزدار قاتىنايتىن بولادى.
تاسىمالداۋشى ۆاگوندار سانى 61 گە دەيىن كوبەيتىلدى، اۆتوبۋستاردىڭ دا سانى ارتتى. ال، اۋەجايداعى قايتا جوندەۋ جۇمىستارى اياقتالعان سوڭ ۇشىپ- قونۋ جولاعىنىڭ ۇزىندىعى ەكى شاقىرىمنان اسادى. كەيىن ءۇرجار اۋەجايى Embraer ءتيپتى ۇلكەن ۇشاقتاردى دا قابىلداي الاتىن بولادى.
