Embraer كومپانياسى اقتاۋ ماڭىندا ۇشاعى اپاتقا ۇشىراعاننان كەيىن رەسمي مالىمدەمە جاسادى
استانا. KAZINFORM - اقتاۋ ماڭىندا ۇشاعى اپاتقا ۇشىراعان Embraer كومپانياسى رەسمي مالىمدەمە جاساپ، قازا تاپقانداردىڭ وتباسىنا كوڭىل ايتتى.
- قازاقستاننىڭ اقتاۋ قالاسىنا جاقىن جەردە Embraer 190 ۇشاعىمەن بولعان وقيعا ءبىزدى قاتتى كۇيزەلتتى. وسى وقيعادان زارداپ شەككەندەردىڭ وتباسىلارىنا، دوس- ارىپتەستەر مەن جاقىندارىنا كوڭىل ايتامىز. ءبىز جاعدايدى مۇقيات قاداعالاپ وتىرمىز جانە ءتيىستى ورگاندارعا قولداۋ كورسەتۋگە تولىق دايىنبىز، - دەلىنگەن كومپانيانىڭ رەسمي سايتىنداعى حابارلامادا.
Embraer - كوممەرتسيالىق، ىسكەرلىك جانە اسكەري ۇشاقتاردى شىعارۋعا ماماندانعان الەمدەگى جەتەكشى ۇشاق وندىرۋشىلەردىڭ ءبىرى. ول 1969 -جىلى برازيليادا قۇرىلعان.
ەسكە سالساق، ازەربايجان ەلورداسى باكۋدەن رەسەيدىڭ گروزنىي قالاسىنا باعىت العان اۋە كەمەسى قازاقستان اۋماعىندا اپاتقا ۇشىرادى.
اقتاۋداعى اۋە اپاتىنان مەرت بولعان قازاقستاندىقتار انىقتالدى.
كەيىننەن ۇشاق اپاتىنان قازا تاپقان قازاقستاندىقتاردىڭ وتباسىلارىنا قارجىلاي كومەك كورسەتىلەتىنى ايتىلدى.
