شەكتەۋلەر مەن ايىپپۇلدار: 2024 -جىلى Kaspi Gold-تى قالاي قولدانۋعا بولادى
ءبىرىنشى قاڭتاردان باستاپ ادەتتەگىدەي ءار سالادا ايتارلىقتاي وزگەرىستەر ورىن الدى. بۇل رەتتە، كۇندەلىكتى قولدانىپ جۇرگەن Kaspi Gold بويىنشا دا ءسىز ەسكەرەتىن جايتتار بار، دەپ جازادى Ulysmedia.kz.
زاڭگەرلەردىڭ ايتۋىنشا، بانك تۇتىنۋشىلارى تومەندەگى ەرەجەلەردى ەسكەرۋى ءتيىس. ەگەر ءسىزدىڭ اتىڭىزدا جەكە كاسىپكەرلىك تىركەلگەن بولسا، كاسىپكەرلىكتەن تۇسكەن قاراجاتتاردى Kaspi Gold ارقىلى اۋدارۋ زاڭبۇزۋشىلىققا جاتادى.
كەز كەلگەن تاۋار ساتساڭىز دا، وزگە دە كاسىپكەرلىك قىزمەت كورسەتسەڭىز تولەمدى كاسىپكەرلىك شوتقا، ياعني، Kaspi Pay (قاشىقتان تولەم، QR) ارقىلى الۋىڭىز كەرەك. زاڭبۇزۋشىلىقتار انىقتالعان جاعدايدا تىركەلگەن جالپى سوما ەسەپكە الىنىپ، ايىپپۇل مەن 10 پايىز مولشەرىندە سالىق تولەۋ مىندەتتەلەدى. ەگەر ءسىزدىڭ اتىڭىزدا جەكە كاسىپكەرلىك تىركەلمەسە، الاڭدايتىن تۇگى جوق. بۇرىنعىداي جاقىندارىڭىزدان، دوستارىڭىزدان اقشا قابىلداي بەرەسىز.
ەستەرىڭىزگە سالساق، 2019 -جىلى ق ر-داعى ەڭ تانىمال بانكتەردىڭ ءبىرى موبيلدى قوسىمشا نەمەسە QR-كود ارقىلى پايدالانۋشىدان پايدالانۋشىعا اقشانى جەدەل اۋدارۋعا مۇمكىندىك بەرەتىن جاڭا تولەم جۇيەسىن ىسكە قوسقان بولاتىن.
قازاقستاندىقتار جاڭا جۇيەنىڭ ىڭعايلىلىعىن بىردەن باعالاپ، قولما-قول اقشاسىز ەسەپ ايىرىسۋعا كوشتى. قازىر كەز-كەلگەن دۇكەندە، سۇلۋلىق سالونىندا نەمەسە كوكونىس ساتاتىن دۇكەندە موبيلدى اۋدارىم ارقىلى شوت-فاكتۋرانى تولەۋگە بولادى. ءبىراق، جوعارىدا ايتىلعانداي جەكە كاسىپكەرلىگىڭىز بولسا، ەرەجەلەردى ەسكەرۋ ماڭىزدى.
