شەكاراشىلار اقتوبەدە مىڭنان استام تۇرعىن مەن مالدى قاۋىپسىز جەرگە كوشىردى
پەتروپاۆل. KAZINFORM - اقتوبە وبلىسى بويىنشا شەكارا قىزمەتى دەپارتامەنتى توتەنشە جاعدايلار دەپارتامەنتى مەن جەرگىلىكتى اتقارۋشى ورگانداردىڭ ۇيلەستىرۋىمەن ءوڭىردىڭ 4 ەلدى مەكەنىندە (اقىراپ، جيرەنقوپا، مايتوبە، ايكە) سۋ تاسقىنىنا قارسى جۇمىستار جۇرگىزىپ جاتىر.
ق ر ۇلتتىق قاۋىپسىزدىك كوميتەتى شەكارا قىزمەتىنىڭ حابارلاۋىنشا، 1250 تۇرعىن مەن ونداعان مال باسى ەۆاكۋاتسيالاندى.
اسكەري قىزمەتشىلەردىڭ كۇشىمەن تۇرعىن ءۇي وبەكتىلەرىن سۋ باسۋعا جول بەرمەۋ بويىنشا جەكەلەگەن جەر ۋچاسكەلەرى نىعايتىلدى. تەرىساققان جانە جاڭاتالاپ ەلدى مەكەندەرى اراسىنداعى بوگەتتى، سونداي- اق اشقارا وزەنى مەن شالقار كولىنىڭ جاعالاۋ سىزىعىن نىعايتۋعا كومەك كورسەتىلدى.
سونىمەن قاتار، ازىق- تۇلىك، ءدارى- دارمەك، قاجەتتى زاتتاردى، كيىم- كەشەك جانە 100 توننا قۇم جەتكىزۋ جۇمىستارى جۇرگىزىلدى.
«ۇ ق ك شەكارا قىزمەتى باتىس قازاقستان جانە قوستاناي وبلىستارى بويىنشا ت ج د- لارعا سۋ تاسقىنىنا قارسى ءىس- شارالارعا، ونىڭ ىشىندە ۇقك اۆياتسياسىن پايدالانا وتىرىپ كومەك كورسەتۋ جۇمىسىن جالعاستىرۋدا»، - دەلىنگەن ۇ ق ك باسپا ءسوز قىزمەتى تاراقتان اقپاراتتا.
