شەكاراداعى كەزەك ماسەلەسى: قازاقستان مەن قىتاي جاڭا كەلىسىمگە كەلدى

الداعى ۋاقىتتا قازاقستان مەن قىتاي اراسىندا ەكى باعىت بويىنشا كەزەك ەداۋىر قىسقارادى، - دەپ حابارلايدى مەملەكەتتىك كىرىستەر كوميتەتىنىڭ باسپا ءسوز قىزمەتى.

23 -مامىردا "نۇر جولى" (ق ر) - "قورعاس" (ق ح ر) وتكىزۋ پۋنكتتەرىندە قازاقستان مەن قىتاي دەلەگاتسيالارىنىڭ بىرلەسكەن جۇمىس ساپارى ءوتتى. قازاقستاندىق دەلەگاتسيانى قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى جاندوس دۇيسەمبيەۆ، ال قىتايلىق دەلەگاتسيانى ق ح ر باس كەدەن باسقارماسىنىڭ ءمينيسترى سۋن مەيتسزيۋن باسقاردى.

بۇل ساپار مەملەكەت باسشىسىنىڭ تاپسىرمالارىن ىسكە اسىرۋ جانە قىتاي باعىتى بويىنشا شامادان تىس كەزەكتى شەشۋ ءۇشىن ۇيىمداستىرىلعان.

ينسپەكسيا قورىتىندىسى بويىنشا مىناداي ناقتى شەشىمدەر قابىلدانىپ، ۋاعدالاستىقتار جاسالدى:

"نۇر جولى" - "قورعاس" وتكىزۋ پۋنكتتەرىنىڭ تاۋلىك بويى جۇمىس ىستەۋ رەجيمىن 2026 -جىلعى 30 -ماۋسىمعا دەيىن ۇزارتۋ؛
قىتاي تاراپىنىڭ قازاقستاننان كەلەتىن كولىك قۇرالدارىن قابىلداۋ كولەمىن ۇلعايتۋ:
"نۇر جولى" وتكىزۋ پۋنكتى ارقىلى قازىر تاۋلىگىنە 650 ا ت س قابىلدانادى، 1-شىلدەدەن باستاپ بۇل كورسەتكىش 750 ا ت س بولادى، ال قىركۇيەكتە 1000 ا ت س- كە دەيىن كوبەيەدى؛
"قالجات" وتكىزۋ پۋنكتى ارقىلى تاۋلىگىنە 130 ا ت س- تەن 250 ا ت س- كە دەيىن ارتتى، ماۋسىمدا 300 ا ت س- كە دەيىن ۇلعايتىلادى؛
2025 -جىلعى مامىردىڭ سوڭىنا دەيىن قىتاي تاراپىنىڭ "دۋلاتى" وتكىزۋ پۋنكتىندە قوسىمشا موبيلدى ينسپەكتسيالىق- بايقاۋ كەشەنىن (م ي د ك) ىسكە قوسۋ؛

2025 -جىلعى قىركۇيەكتىڭ سوڭىنا دەيىن "قورعاس" وتكىزۋ پۋنكتىندە تۇراقتى ينسپەكتسيالىق- بايقاۋ كەشەنىن ورناتۋ؛
ينسپەكتسيالىق-بايقاۋ كەشەندەرىنىڭ رەنتگەن كەسكىندەرىن ءوزارا تانۋ جونىندە كەلىسىمگە قول جەتكىزىلدى، بۇل قايتالاپ تەكسەرۋ ۋاقىتىن قىسقارتىپ، شەكارادان ءوتۋ ۇدەرىسىن جەدەلدەتەدى؛
"قورعاس" ح ش س و ارقىلى تاسىمال اعىنىن وڭتايلى ءبولۋ جوسپارلانىپ وتىر، بۇل "نۇر جولى" وتكىزۋ پۋنكتىندەگى جۇكتەمەنى ازايتۋعا جانە تاسىمال قوزعالىسىن تەڭگەرىمدى بولۋگە مۇمكىندىك بەرەدى؛
"نۇر جولى" - "قورعاس" وتكىزۋ پۋنكتتەرىندە قوزعالىس جولاقتارى مەن شەكارالىق كوپىردى كەڭەيتۋ ماسەلەسى ەكى تاراپپەن بىرلەسىپ قارالىپ جاتىر؛
شەكارا ماڭىنداعى كەدەن قىزمەتتەرى دەڭگەيىندە اي سايىنعى وتىرىستار جانە قازاقستان-قىتاي كەدەن ورگاندارىنىڭ ۇيلەستىرۋشىلەرىنىڭ توقسان سايىنعى كەزدەسۋلەرىن وتكىزۋ كەلىسىلدى.
مينيستر سۋن مەيتسزيۋن "نۇر جولى" وتكىزۋ پۋنكتىنىڭ ينفراقۇرىلىمدىق مۇمكىندىكتەرى مەن قازاقستاننىڭ ەلەكترون كەزەك جۇيەسىن جوعارى باعالاپ، ونىڭ تاسىمال ۇدەرىسىنىڭ ىڭعايلىلىعى مەن تيىمدىلىگىن ارتتىرۋداعى ءرولىن اتاپ ءوتتى.

Massaget.kz