Egov.kz پورتالىندا باسپانا كەزەگىنە قالاي ونلاين تىركەلۋگە بولادى

كەزەككە تۇرۋعا كومەكتەسەتىن ەگجەي- تەگجەيلى نۇسقاۋلىقتى باسقارما ءوزىنىڭ Instagram پاراقشاسىندا جاريالادى. ول ءۇشىن نە قاجەت:

- ەلەكتروندىق سيفرلىق قولتاڭبا (ە س ق).

1-قادام: - egov.kz پورتالىنا كىرەمىز؛

- ءسىزدىڭ الدىڭىزدا پورتالدىڭ بارلىق بولىمدەرى شىعادى، «جىلجىمايتىن مۇلىك» قىزمەتىن تاڭدايمىز؛

- وسىدان كەيىن الىڭىزدا «جىلجىمايتىن مۇلىك» قىزمەتى شىعادى، ونىڭ ىشىندە «مەملەكەتتىك تۇرعىن ءۇي قورىنان بەرىلەتىن تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج ازاماتتاردى ەسەپكە الۋ جانە كەزەككە قويۋ، سونداي- اق جەرگىلىكتى اتقارۋشى ورگانداردىڭ تۇرعىن ءۇي بەرۋ تۋرالى شەشىم قابىلداۋى» قىزمەتىن تاڭدايسىز.

- «قىزمەتكە ونلاين تاپسىرىس بەرۋ» باتىرماسىن باساسىز. ودان كەيىن ءارى قاراي ءسىزدىڭ الدىڭىزدا ەكى قىزمەت شىعادى:

- كەزەككە قويۋ؛

- كەزەكتە تۇرعاندار تۋرالى مالىمەتتى وزگەرتۋ. ءسىز «كەزەككە قويۋدى» تاڭداۋىڭىز كەرەك.

2-قادام: - ءسىزدىڭ الدىڭىزدا بوس ورىستەر پايدا بولعاننان كەيىن دەرەكتەردى تولتىرۋ قاجەت. - سودان كەيىن قولايلى ساناتتى تاڭداڭىز.

- ىشكى ساناتتى تاڭداڭىز.

- «نەگىزدەمە» بولىمىندە «ق ر اۋماعىندا مەنشىك قۇقىعىندا تۇرعىن ءۇيدىڭ بولماۋىن» تاڭداۋ قاجەت.

- دەرەكتەردى تولتىرامىز: تەلەفون ءنومىرى، ەلەكتروندى پوشتا، ج س ن.

- «تۋىستىق دارەجە» بولىمىندە وتباسى مۇشەلەرى بولعان جاعدايدا مىندەتتى تۇردە كورسەتەمىز.

- نازار اۋدارىڭىز: «جۇمىس ورنى» ءبولىمىن «مەملەكەتتىك قىزمەتشى» رەتىندە تۇرعىن ۇيگە كەزەككە تۇرعىسى كەلەتىن ءوتىنىش بەرۋشىلەر عانا تولتىرادى.

3-قادام: - وتىنىمگە ە س ق كىلتىمەن قول قويامىز؛

ناتيجەسىندە ءوتىنىم تولتىرىلىپ، جىبەرىلدى. ءوتىنىمنىڭ مارتەبەسىن جەكە كابينەتتە «قىزمەتتەردى الۋ تاريحى» بولىمىندە كورۋگە بولادى. ءوتىنىمدى تۇرعىن ءۇي باسقارماسى 30 كۇنتىزبە كۇنى ىشىندە قارايدى، جاۋاپ ەسەپكە قويۋ نەمەسە قويۋدان باس تارتۋ تۇرىندە تەلەفونعا س م س- حابارلامامەن كەلەدى.