شۋچەدە جولدىڭ بويىنان 27 جاستاعى ايەلدىڭ دەنەسى تابىلدى
كوكشەتاۋ. KAZINFORM - شۋچە قالاسىندا جولدىڭ بويىندا 27 جاستاعى ايەلدىڭ دەنەسى تابىلدى.
الەۋمەتتىك جەلىدە جاريالانعان جازبادا چۋچە قالاسىنىڭ «بالداۋرەن» وقۋ-ساۋىقتىرۋ ورتالىعى باعىتىنداعى جولدىڭ بويىنداعى شلاگباۋم ماڭىندا ايەل ادامنىڭ دەنەسى تابىلعانى ايتىلادى.
«بيىلعى 11- ناۋرىزدا شۋچە قالاسىندا 1997-جىلى تۋعان ايەلدىڭ دەنەسى تابىلدى. ءمايىتتى العاشقى تەكسەرۋ كەزىندە قانداي دا ءبىر دەنە جاراقاتى انىقتالعان جوق، سوت-مەديتسينالىق ساراپتاما تاعايىندالدى، ساراپتاما قورىتىندىسى بويىنشا تۇپكىلىكتى پروتسەسسۋالدى شەشىم قابىلداناتىن بولادى. الدىن الا انىقتالعانداي، ولىمگە دەنەسىنىڭ قاتتى توڭۋى سەبەپ بولعان»، - دەپ ءتۇسىندىردى Kazinform ءتىلشىسىنىڭ ساۋالىنا اقمولا وبلىسى پ د باسپا ءسوز قىزمەتىنەن.
ايتا كەتسەك، بۇدان بۇرىن اقمولا وبلىسىندا كولىكتىڭ ىشىنەن ەكى ادامنىڭ دەنەسى تابىلعانىن جازعان ەدىك.
