«شاين مۋسكات» ءجۇزىمى قۇرامىنان زيانكەس تابىلعان جوق - ا ش م

استانا. KAZINFORM - اۋىل شارۋاشىلىعى ءمينيسترىنىڭ تاپسىرماسى بويىنشا اگروونەركاسىپتىك كەشەنى مەملەكەتتىك ينسپەكتسيا كوميتەتىنىڭ رەسپۋبليكالىق وسىمدىكتەر كارانتينى ورتالىعىنىڭ قىزمەتكەرلەرى كارانتيندىك فيتوسانيتاريالىق باقىلاۋ كەزىندە ءجۇزىم ۇلگىلەرىنە زەرتحانالىق ساراپتاما جۇرگىزدى.

«كارانتيندىك فيتوسانيتارلىق قورىتىندىعا سايكەس كارانتيندىك زيانكەستەر تابىلعان جوق»، - دەلىنگەن حابارلامادا.

سونداي-اق دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ «ۇلتتىق ساراپتاما ورتالىعى» ر م ك-نىڭ اباي اۋدانى بويىنشا فيليالى (قىتاي حالىق رەسپۋبليكاسىمەن شەكارادا) «Shine Muscat» نيتراتىنىڭ قۇرامى بويىنشا زەرتتەۋ جۇرگىزدى. ونىڭ قورىتىندىسى بويىنشا ونىمدەگى نيترات مولشەرى 13,7 م گ/ك گ قۇرادى، بۇل ءونىم ءۇشىن رۇقسات ەتىلگەن كورسەتكىش.

ەستەرىڭىزگە سالا كەتەيىك، وسىمدىكتەر كارانتينىنىڭ نەگىزگى ماقساتتارى:

1) قازاقستان رەسپۋبليكاسىنىڭ اۋماعىن باسقا مەملەكەتتەردەن نەمەسە كارانتيندىك وبەكتىلەردىڭ كارانتيندىك ايماعىنان كىرۋدەن نەمەسە دەربەس ەنۋدەن قورعاۋ؛

2) كارانتيندىك وبەكتىلەردى انىقتاۋ، وقشاۋلاۋ جانە جويۋ، سونداي-اق ولاردىڭ قازاقستان رەسپۋبليكاسىنىڭ باسقا وڭىرلەرىنە ەنۋىنە جول بەرمەۋ؛

3) قازاقستان رەسپۋبليكاسىنىڭ وسىمدىكتەر كارانتينى سالاسىنداعى زاڭناماسىنىڭ ساقتالۋىنا مەملەكەتتىك كارانتيندىك فيتوسانيتاريالىق باقىلاۋدى جانە قاداعالاۋدى جۇزەگە اسىرۋ.

اۆتور
داۋلەت ىزتىلەۋ