شايدى ەكى رەت قايناتسا نە بولادى؟ دارىگەر جاۋابى
شايدىڭ قانىققان قۇرامىنىڭ ارقاسىندا بويىڭىزداعى سترەسس باسىلادى، وعان قوسا شاي شارشاۋدى جەڭىلدەتۋگە، سەرگىتۋگە جانە زات الماسۋدى قالىپقا كەلتىرۋگە كومەكتەسەدى.
بۇل تاڭعالارلىق كوپ قىرلى سۋسىن انتيسەپتيكالىق جانە باكتەرياعا قارسى اسەرگە يە، ارتىق سۇيىقتىقتى جانە ونىمەن بىرگە توكسيندەردى كەتىرۋگە قابىلەتتى.
سوندىقتان سۋىق تيگەن كەزدە مىندەتتى تۇردە تاڭقۋراي، بال نەمەسە ليمون قوسىلعان شاي ءىشۋ كەرەك، - دەپ حابارلايدى Massaget.kz ءتىلشىسى.
شاي ۆ، س، ر، د، ە، ك سەكىلدى دارۋمەندەرگە باي، دايىن سۋسىننىڭ كونتسەنتراتسياسىنىڭ قۇرامىندا 5 پايىزعا دەيىن كالي، فوسفور، كالتسي، ماگني، مىس، ناتري، تەمىر، مىرىش، حروم، فتور، يود سياقتى مينەرالدار بار، سونىمەن قاتار كوفەنىڭ اسەرىنەن 4-8 ەسە كۇشتى قۋاتتاندىراتىن تەين مەن انتيوكسيدانت كاتەحين بار.
ونىڭ قۇرامىنداعى انتيوكسيدانتتار شايدى جاستىق پەن سۇلۋلىقتىڭ سۋسىنىنا اينالدىرادى. ونى جۇيەلى تۇتىنۋ ونكولوگيالىق اۋرۋلاردى تۋدىرۋى مۇمكىن بوس راديكالداردىڭ سانىن ازايتادى.
شايدى ەكى رەت قايناتۋعا بولا ما؟
بولادى. دەگەنمەن، ەستە ساقتاۋ كەرەك نيۋانستار بار. كوپ نارسە سۇرىپقا بايلانىستى.
جاپىراق شايى تەين، انتيوكسيدانت سەكىلدى پايدالى كومپونەنتتەردى بىرتىندەپ بەرەدى. سونىمەن، كوك شايدى بىرنەشە رەت قايناتۋعا بولادى، ويتكەنى ول ءوزىنىڭ بارلىق پايداسىن تەك ەكىنشى نەمەسە ءۇشىنشى قايناتقاننان كەيىن شىعارادى.
شاي جاپىراعى سورتىنا قاراماستان نەعۇرلىم از كەسىلسە، قورەكتىك زاتتار سۋعا سوعۇرلىم تەزىرەك تۇسەدى، مۇنى شايدى قايناتقان كەزدە ەستە ساقتاۋ كەرەك. ءاربىر قايناتقاننان كەيىن ولار ازايا بەرەدى. ءۇشىنشى قايناتقاننان كەيىن شاي پاكەتىندە قورەكتىك زاتتاردىڭ ءىزى دە قالمايدى.
شايدى ەكىنشى رەت قايناتۋدىڭ زيانى قانداي؟
كەز كەلگەن شايدى قايتا قايناتقان كەزدە ول پايدا عانا ەمەس، زيانىن دا تيگىزۋى مۇمكىن. ەگەر ادەتتە شاي پاكەتىن تاڭەرتەڭ ءبىر رەت قولدانىپ، كەشكە تاعى ىشەمىن دەپ ساقتاپ قوياتىن بولساڭىز، بۇل ادەتتەن قۇتىلۋ كەرەك. ويتكەنى، پايدالانىلعان شايدىڭ بەتىندە توتىققان پوليفەنولداردىڭ قابىق پايدا بولا باستايدى.
شۆەيتساريالىق عالىمدار مۇنداي كەمپىرقوساققا ۇقساس قابىق قاتتى جانە ەفير مايلارىنا باي سۋسىننان پايدا بولاتىنىن انىقتادى. ەگەر شاي قۇرامىنا حوش يىسكە ارنالعان سۇيىقتىق قوسىلسا، سۋسىن سالقىنداعان سايىن قابىق ايقىنىراق بولا تۇسەدى.
قالاي بولعاندا دا، ۋاقىت وتە كەلە مۇنداي سۋسىن دەنساۋلىققا قاۋىپتى باكتەريالار مەن زەڭدەردىڭ تارالۋى ءۇشىن پايدالى ورتاعا اينالادى.
وندىرۋشىلەر شيكىزاتقا ءتۇرلى بوياعىش تا قوساتىنىن ۇمىتپاۋ كەرەك. مۇنداي شاي ىستىق سۋعا بىرنەشە رەت ءتۇس بەرە الادى، ءبىراق باستاپقىداعىداي پايدا اكەلمەيدى. سونىمەن قاتار، تىم ارزان شايدىڭ ساپالى بولا المايتىنىن ەستەن شىعارماڭىز!
ەسكە سالايىق، بۇعان دەيىن بالدى ىستىق شاي نەمەسە سۇتپەن ءىشۋ قانشالىقتى دۇرىس ەكەنى تۋرالى حابارلاعان ەدىك.
