شايبالى حوككەيدەن الەم چەمپيوناتى: قازاقستان جاستار قۇراماسى جاپونيامەن وينايدى

شايبالى حوككەيدەن 20 جاسقا دەيىنگى قازاقستان جاستار قۇراماسى الەم چەمپيوناتىنداعى ءتورتىنشى ويىنىن جاپونياعا قارسى وتكىزەدى، دەپ حابارلايدى Kazinform.

قازاقستاندىق حوككەيشىلەر ەليتالىق ديۆيزيونعا جالعىز جولدامانى 10-16- جەلتوقسان ارالىعىندا IA ديۆيزيونىندا فرانسيا، دانيا، جاپونيا، ۆەنگريا جانە اۋستريا قۇرامالارىمەن ساراپقا سالىپ جاتىر.

كەزدەسۋ ەلوردا ۋاقىتىمەن 16:30 دا باستالىپ، Insport تەلەارناسىنان تىكەلەي ەفيردە كورسەتىلەدى.

قازىرگى دەيىن قازاقستاندىق حوككەيشىلەر ۆەنگريا (5:2)، دانيا (3:2) جانە فرانسيادان (4:0) باسىم ءتۇستى.

ال جاپونيا العاشقى ءۇش تۋردا اۆستريا (2:5) مەن فرانسيا (3:5) قۇرامالارىنان جەڭىلىپ، ۆەنگريانى وۆەرتايمدا 5:4 ەسەبىمەن تىزە بۇكتىردى.

ەكى قۇراما بۇعان دەيىن ەكى مارتە كەزدەستى. قازاقستاندىق حوككەيشىلەر 2013-جىلى - 8:7، 2014-جىلى - 6:3 ەسەبىمەن جەڭگەن.

العاشقى ءۇش تۋردان كەيىن توعىز ۇپايمەن قازاقستان كوش باسىندا كەلە جاتسا، فرانسيا مەن اۆستريانىڭ – 6، دانيانىڭ – 3، جاپونيانىڭ – 2، ۆەنگريانىڭ 1 ۇپايى بار.

ال قازاقستاندىق جاستار 17- جەلتوقساندا اۆستريامەن شەبەرلىك بايقاسادى.

قازاقستاندىق حوككەيشىلەر الەم چەمپيوناتى ءبىرىنشى ديۆيزيونىندا التى مارتە وينادى. تورتەۋىندە جەڭىمپاز اتانىپ، ەليتالىق ديۆيزيونعا جولداما العان ەدى.