«ۇشاتىن كولىكتەر» داۋىرىنە دايىندىق: جاڭا قاعيدالار ازىرلەندى

كولىك مينيسترلىگىنىڭ مالىمەتىنشە، قاعيدالار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سيفرلاندىرۋ، دەربەس دەرەكتەردى قورعاۋ، جول ءجۇرىسى جانە كولىكتەگى وزىق تەحنولوگيالاردى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىن ىسكە اسىرۋ ماقساتىندا ازىرلەنگەن.

قاعيدالار وزىق اۋە موبيلدىلىگىنىڭ قاتىسۋشىلارىن، ولاردىڭ قىزمەتىن ۇيىمداستىرۋ قاعيداتتارى مەن جالپى تالاپتارىن ايقىندايدى.

قالالىق اۋە موبيلدىلىگى پايدالانۋشىلارىنا، ۆەرتيپورت پايدالانۋشىلارىنا جانە تەحنيكالىق قىزمەت كورسەتۋ جونىندەگى ۇيىمدارعا قويىلاتىن تالاپتاردى بەلگىلەيدى.

وزىق اۋە موبيلدىلىگىنە جىبەرىلگەن اۋە كەمەلەرىنە، ولاردى پايدالانۋعا جىبەرۋ جانە ۇشۋعا جارامدىلىعىن ساقتاۋ تارتىبىنە قويىلاتىن تالاپتاردى بەكىتەدى.

ۇشۋلاردى ۇيىمداستىرۋ جانە ورىنداۋ، اۋە كەڭىستىگىن پايدالانۋ ءتارتىبىن ناقتىلايدى.

ينفراقۇرىلىم وبەكتىلەرىنە، ونىڭ ىشىندە ۆەرتيپورتتارعا، ۇشىپ-قونۋ الاڭدارىنا جانە زاريادتاۋ ينفراقۇرىلىمىنا قويىلاتىن تالاپتاردى، ۇشۋ قاۋىپسىزدىگىن باسقارۋ جۇيەسىنە، اۆياتسيالىق پەرسونالدى دايارلاۋعا جانە ونىڭ بىلىكتىلىگىنە قويىلاتىن تالاپتاردى بەلگىلەيدى.

ايتا كەتەيىك، قازاقستان پرەزيدەنتىنىڭ كورەيا رەسپۋبليكاسىنا مەملەكەتتىك ساپارى اياسىندا قازاقستاندا قالالىق اۋە موبيلدىلىگى (UAM)، ۇشقىشسىز اۆياتسيا جانە تومەن بيىكتىكتەگى اۋە كەڭىستىگىن تسيفرلىق باسقارۋ تەحنولوگيالارىن دامىتۋ بويىنشا جاڭا ۋاعدالاستىقتارعا قول جەتكىزىلدى.