ۇشاق قۇلاپ، ءۇش ادام قازا تاپتى

استانا. قازاقپارات - Cessna-17 جەڭىل موتورلى ەكسكۋرسيا ۇشاعى ر ف تاتارستان رەسپۋبليكاسىنداعى لوباچ تاۋىنىڭ جانىنداعى كامسكوە ۋستە ەلدى مەكەنىنىڭ ماڭىندا قۇلاپ، سالدارىنان ەكى ەرەسەك ادام مەن بالا قايتىس بولدى، تاعى ءبىر ادام زارداپ شەكتى، دەپ جازادى ت ا س س.

- وقيعا لوباچ تاۋىنىڭ جانىنداعى كامسكوە ۋستە ەلدى مەكەنىنىڭ ماڭىندا بولدى. Cessna-17 جەڭىل موتورلى ۇشاعى اپاتقا ۇشىرادى. بورتتا بارلىعى ءتورت ادام بولدى، ولاردىڭ ۇشەۋى قايتىس بولدى، ونىڭ ىشىندە بالا بار. تاعى ءبىر ادام زارداپ شەكتى، - دەدى شۇعىل قىزمەت وكىلدەرى.

اپاتتىڭ نەگىزگى سەبەبى رەتىندە تەحنيكالىق اقاۋلىق پەن ۇشاقتى باسقارۋداعى قاتەلىك بولۋى مۇمكىن دەپ بولجانعان.

رەسەيدىڭ ايماقارالىق تەرگەۋ باسقارماسىنىڭ تەرگەۋشىلەرى وقيعا ورنىنا بارىپ، ر ف قىلمىستىق كودەكسىنىڭ 263-بابى بويىنشا (قوزعالىس قاۋىپسىزدىگى مەن اۋە كولىگىن پايدالانۋ ەرەجەلەرىن بۇزۋ) تەرگەۋ باستادى.

قىلمىستىق ءىس قوزعالدى.