ۇشاق اپاتىنان قازا تاپقان قازاقستاندىقتاردىڭ وتباسىلارىنا قارجىلاي كومەك كورسەتىلەدى

استانا. KAZINFORM - ۇكىمەتتىك كوميسسيا شتاب وتىرىسىن وتكىزدى، دەپ حابارلايدى ماڭعىستاۋ وبلىسىنىڭ اكىمدىگى.

پرەمەر-ءمينيستردىڭ ورىنباسارى توتەنشە جاعدايلار، ىشكى ىستەر، دەنساۋلىق ساقتاۋ مينيسترلىكتەرى، ازاماتتىق اۆياتسيا كوميتەتى وكىلدەرىنىڭ ەسەپتەرىن تىڭدادى.

توتەنشە جاعدايدى رەتتەۋ ءۇشىن قازاقستان ۇكىمەتى بارلىق قاجەتتى شارالاردى قابىلدايدى. ۆيتسە-پرەمەر قۇتقارۋ جۇمىستارىن جالعاستىرۋ، زارداپ شەككەندەرگە قولداۋ كورسەتۋ جانە قازا تاپقانداردىڭ وتباسىلارىنا كومەك كورسەتۋ بويىنشا تاپسىرما بەردى.

- ۇشاق اپاتىنان قازا تاپقان قازاقستاندىقتاردىڭ وتباسىلارىنا قارجىلاي كومەك كورسەتىلەدى. سونداي-اق، ماڭعىستاۋ وبلىسىنا كەلگەن قايتىس بولعان شەتەلدىك ازاماتتاردىڭ جاقىندارىنا دا قاجەتتى كومەك بەرىلەدى، - دەلىنگەن حابارلامادا.

ەسكە سالساق، بۇعان دەيىن اقتاۋداعى اۋە اپاتىنان مەرت بولعان قازاقستاندىقتار انىقتالعانىن جازدىق.

سونىمەن قاتار، اپاتقا ۇشىراعان AZAL ۇشاعى ەكى اي بۇرىن تەحنيكالىق تەكسەرۋدەن وتكەنى ايتىلدى.

اۆتور

اينۇر تۋماكبايەۆا