ۇشاق اپاتىنان كوز جۇمعان 3 ماڭعىستاۋلىقتىڭ وتباسىلارىنا قارجىلاي كومەك بەرىلدى

استانا. KAZINFORM - ۇشاق اپاتىنان قايتىس بولعان جانە زارداپ شەككەن ازاماتتاردىڭ تۋىستارىنا بارلىق قولداۋ شارالارى كورسەتىلۋدە، دەپ حابارلايدى ماڭعىستاۋ وبلىسىنىڭ اكىمدىگى.

اقتاۋ ماڭىنداعى ۇشاق اپاتىنان قايتىس بولعاندار مەن زارداپ شەككەن ازاماتتاردى الىپ كەتۋگە كەلگەن تۋىستارىنا ماڭعىستاۋ وبلىسى تاراپىنان بارلىق قولداۋ شارالارى كورسەتىلۋدە.

دارىگەرلەر مەن توتەنشە جاعداي قىزمەتكەرلەرى، اكىمدىك وكىلدەرى مەن ۆولونتەرلار كۇشەيتىلگەن رەجيمدە جۇمىس ىستەۋدە.

تۋىستارىن الىپ كەتۋگە كەلگەن شەتەل ازاماتتارىن اۋەجايدان كۇتىپ الىپ-شىعارىپ سالۋ، قوناق ۇيگە ورنالاستىرۋ جانە ت. ب. قولداۋلار جاسالۋدا.

اتاپ ايتقاندا، وڭىرلىك پسيحولوگتار مەن دارىگەرلەر وبلىستىق اۋرۋحانادا قايعىرىپ جۇرگەن جانداردىڭ دەنساۋلىعىن تەكسەرىپ، پسيحولوگيالىق كومەك بەرىپ جاتىر.

سونداي-اق، ىستىق تاماق پەن شايمەن قامتاماسىز ەتىلۋدە.

- سونىمەن قاتار، ۇشاق اپاتىنان كوز جۇمعان ماڭعىستاۋ وبلىسىنىڭ 3 ازاماتىنىڭ وتباسىنا قارجىلاي كومەك بەرىلىپ، مارقۇمداردى جەرلەۋ راسىمدەرىنە قولداۋ كورسەتىلدى، - دەلىنگەن اكىمدىك حابارلاماسىندا.

ەسكە سالا كەتەيىك، 25-جەلتوقساندا اقتاۋ ماڭىندا Azerbaijan Airlines ۇشاعى اپاتقا ۇشىرادى.

ۇشاق بورتىندا 67 ادام، ونىڭ ىشىندە بەس ەكيپاج مۇشەسى بولعان. وقيعا سالدارىنان 38 جولاۋشى قازا تاپتى. وكىنىشكە قاراي، مەرت بولعان جانداردىڭ اراسىندا 6 قازاقستان ازاماتى بار.

اۆتور

اينۇر تۋماكبايەۆا