ۇشاق اپاتىنا بايلانىستى تەرگەۋ-وپەراتيۆتىك توبى قۇرىلدى

استانا. KAZINFORM - باس پروكۋراتۋرا اقتاۋ قالاسى ماڭىندا ازەربايجان اۋە كومپانياسىنىڭ اۋە كەمەسى اپاتقا ۇشىراۋ فاكتىسى بويىنشا باس پروكۋراتۋرانىڭ ارنايى پروكۋرورلارىنىڭ باسشىلىعىمەن ۆەدومستۆوارالىق تەرگەۋ-وپەراتيۆتىك توپ قۇرىلعانىن حابارلادى.

ونىڭ قۇرامىنا كولىك پروكۋراتۋراسىنىڭ، ءى ءى م جانە ت ج م تاجىريبەلى قىزمەتكەرلەرى كىردى.

وقيعا ورنىنا ۇكىمەتتىك كوميسسيا قۇرامىندا ەلدىڭ باس كولىك پروكۋرورى باردى.

قىلمىستىق ءىس قازاقستان رەسپۋبليكاسى باس پروكۋرورىنىڭ ەرەكشە باقىلاۋىندا.

ايتا كەتەيىك، اقتاۋدا Azerbaijan Airlines ۇشاعى اپاتقا ۇشىرادى.

وقيعا ورنىنا ق ر توتەنشە جاعدايلار مينيسترلىگى جەكە قۇرامىنىڭ 52 ادامى مەن 11 بىرلىك تەحنيكاسى باردى.

اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.

ق ر كولىك مينيسترلىگى ءمالىم ەتكەندەي، ازەربايجان تاراپىنىڭ الدىن الا اقپاراتى بويىنشا، بورتتا 62 جولاۋشى مەن 5 ەكيپاج مۇشەسى بولعان.

اقتاۋ ماڭىندا اپاتقا ۇشىراعان ۇشاق جولاۋشىلارىنىڭ ءتىزىمى جاريالاندى.

اقتاۋداعى ماڭىنداعى ۇشاق اپاتقا ۇشىراعان وقيعا ورنىنا بىرنەشە قۇقىق قورعاۋ ورگاندارىنىڭ وكىلى جىبەرىلدى. بۇل تۋرالى كولىكتەگى پوليتسيا دەپارتامەنتىنىڭ باسپا ءسوز قىزمەتى حابارلادى.