ۇشاق اپاتىن زەرتتەيتىن كوميسسيا ساراپشىلاردى كۇتىپ وتىر
استانا. KAZINFORM - اقتاۋ ماڭىندا اۋە اپاتىنىڭ سەبەبىن ارنايى كوميسسيا زەرتتەپ، انىقتايدى.
— بارلىق ەل باسشىلىققا الاتىن الگوريتم، ستاندارتتار بار. ارنايى كوميسسيا ءمان-جاي مەن بارلىق دەرەككە سۇيەنە وتىرىپ، قارا جاشىكتەر بويىنشا شەشىم قابىلدايدى، — دەدى كولىك ءمينيسترىنىڭ ورىنباسارى تالعات لاستايەۆ اقتاۋدا وتكەن باسپا ءسوز ءماسليحاتىندا.
ۆيتسە-ءمينيستردىڭ ايتۋىنشا، قازىر كوميسسيا جيناقتالدى، ەندى ساراپشىلاردى كۇتىپ وتىر.
— قازىر بارلىق فراگمەنت جينالىپ، تىزبەكتەلىپ جاتىر. ساراپشىلار ەرتەڭ كەلەدى، ءوندىرۋشى ەل- برازيليا، تاسىمالداۋشىنىڭ ءوزى ەرتەڭ كەلەدى. بارلىعى جينالعان كەزدە شەشىم قابىلدايدى. الگوريتم سونداي، — دەپ تولىقتىردى ءمينيستردىڭ ورىنباسارى.
بۇعان دەيىن رەسەي مەن ازەربايجان ۇشاق اپاتىن زەرتتەيتىن كريميناليستيكالىق تەرگەۋگە جىبەرىلمەيتىنىن حابارلاعان ەدىك.
بريفينگ بارىسىندا ۇكىمەت باسشىسىنىڭ ورىنباسارى قانات بوزىمبايەۆ اقتاۋ ماڭىنداعى ۇشاق اپاتىنىڭ سەبەبىنە قاتىستى تۇسىنىك بەردى.
ايتا كەتەيىك، اقتاۋ ماڭىنداعى ۇشاق قۇلاعان جەردەن تاعى ءبىر قارا جاشىك تابىلدى.
سونداي-اق اقتاۋ ماڭىنداعى ۇشاق اپاتىنان قايتىس بولعان قازاقستاندىقتاردىڭ وتباسىنا مەملەكەتتىك قارجىلاي قولداۋ كورسەتىلەتىنى بەلگىلى بولدى.
ودان بولەك، ۇشاق اپاتىنان زارداپ شەككەندەردىڭ قازىرگى جاعدايى ايتىلدى.
