شامادان تىس ۇنەمدەۋ مازاسىزدىققا ۇشىراتادى - پسيحولوگ
پسيحولوگتاردىڭ ايتۋىنشا، شامادان تىس ۇنەمدەۋ ادامداردى مازاسىزدىققا ۇشىراتادى جانە ىسىراپ ەتۋدەن دە قاۋىپتى. «قولجەتىمدى ءارى ارزانىراق نارسەنى ىزدەۋ» ادەتىنىڭ كەسىرىنەن ادامدار ساپاسىز تاۋارلاردى تاڭداپ، ويىن-ساۋىقتان باس تارتادى جانە جاقىندارىمەن قارىم-قاتىناستى بۇزادى.
ەڭ وكىنىشتىسى - اقشاعا دەگەن ۇنەمى الاڭداۋشىلىق ومىردەن ءلاززات الۋعا مۇمكىندىك بەرمەيدى.
ەكسپەرتتىڭ ايتۋىنشا، جالپى العاندا، پايدالى جانە زياندى ۇنەمدەۋدىڭ نەگىزىندە ءارتۇرلى ويلاۋ جۇيەسى جاتىر. ءبىرىنشى جاعدايدا باستىسى رەسۋرستاردى بارىنشا كوبەيتۋ عانا ەمەس، ولاردى ءتيىمدى پايدالانۋ بولسا، ەكىنشى جاعدايدا شەشۋشى فاكتور - تاپشىلىقتان قورقۋ.
شامادان تىس ۇنەمدەۋدەن ارىلۋ ءۇشىن ويلاۋ جۇيەسىن وزگەرتۋ كەرەك. ويلاۋ جۇيەسىن وزگەرتپەيىنشە، قارجىمەن دۇرىس قارىم-قاتىناس ورناتۋ ەكىتالاي. شىعىننان باس تارتۋ جانە ودان قورقۋ - شىعىنداردى جوسپارلاۋ مەن ەسەپكە الۋمەن سايكەس كەلمەيدى. سول سياقتى، جيناقتى جوعالتۋدان قورقۋ دا قاۋىپتەردى تارازىلاۋعا جانە كاپيتالدى كوبەيتۋگە دەگەن ۇمتىلىسقا قاراما-قايشى كەلەدى. شامادان تىس ۇنەمشىلدىكتەن تۋىندايتىن بارلىق جاعىمسىز سالداردان اۋلاق بولۋ ءۇشىن قاراپايىم، ءبىراق ماڭىزدى ويدى ەستە ساقتاۋ كەرەك: اقشا - ماقسات ەمەس، قۇرال، - دەيدى ساراپشىلار.
