شالقار كولىنىڭ جاعاسىندا ايەل ادامعا نايزاعاي ءتۇستى
ورال. KAZINFORM - تەرەكتى اۋدانى شالقار كولى جاعاسىندا نايزاعاي تۇسكەن ادام مەرت بولدى.
تۇرعىنداردىڭ سوزىنە قاراعاندا، وقيعا 7-شىلدە كۇنى ساعات 17.00 شاماسىندا بولعان. كول جاعاسىندا دەمالىپ جاتقان 39 جاستاعى رەسەيلىك ايەل كەنەتتەن بولعان وقىس وقيعادان كوز جۇمعان.
ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، ساعات 17.13 تە سارى ءومىر دارىگەرلىك امبۋلاتورياسىنا شالقار دەمالىس ورنىندا 1984-جىلعى ادامعا نايزاعاي تۇسكەنى جونىندە حابار كەلگەن. وقيعا ورنىنا بارعان فەلدشەر سۋداعى ادامنىڭ قايتىس بولعانىن انىقتادى.
تەرەكتى اۋدانى سارى ءومىر دارىگەرلىك امبۋلاتورياسىنىڭ مەيىرگەرى الماگۇل سالاحيەۆا بولعان جاعدايدان سوڭ كوپ وتپەي ايەل ادامنىڭ جان ءتاسىلىم ەتكەنىن جەتكىزدى. قازىرگى كەزدە وقيعانىڭ سەبەپ-سالدارى انىقتالۋ ۇستىندە.
ەسكە سالا كەتەيىك، بۇدان بۇرىن ب ق و- دا كۇشتى جەل عيماراتتار مەن كوپقاباتتى ۇيلەردىڭ شاتىرىن ۇشىرىپ اكەتكەنىن جازعان بولاتىنبىز.
