شالا دايىندالعان كاۋاپتىڭ دەنساۋلىققا زيانى قانداي؟

шашылық
فوتو: aikyn.kz

استانا. KAZINFORM - ناشار دايىندالعان كاۋاپتا دەنساۋلىققا قاۋىپتى ميكروورگانيزمدەر بولۋى مۇمكىن. بۇل تۋرالى ەندوكرينولوگ، ديەتولوگ وكسانا ميحاليەۆا ايتتى، - دەپ حابارلايدى Aikyn.kz.

Massaget.kz ءتىلشىسى دارىگەردىڭ سوزىنە سىلتەمە جاساپ جازعانداي، دۇرىس پىسىرىلمەگەن كاۋاپتىڭ ەڭ باستى قاۋپى - سالمونەللا مەن ىشەك تاياقشالارى. ميحاليەۆا بۇل ميكروورگانيزمدەر اسقازان-ىشەك جولدارىنا اسەر ەتىپ، يممۋنيتەتى تومەن ادامداردا سەپسيسكە دەيىن اۋىر اسقىنۋلار تۋدىراتىنىن ءتۇسىندىردى.

«ادەتتە اسقازان (گاستريت) نەمەسە ىشەك (ەنتەريت) قابىنادى. اۋرۋ انتيبيوتيكتەرمەن ەمدەلەدى جانە ۇزاق ۋاقىت جۇمىس قابىلەتتىلىگىن تومەندەتەدى»، - دەدى مامان.

ميحاليەۆا شيكى ەت قۇرامىندا ءارتۇرلى پارازيتتەر بولۋى مۇمكىن ەكەنىن دە ايتتى. ونىڭ سوزىنشە، سيىر ەتىن دايىنداۋعا ەرەكشە نازار اۋدارۋ كەرەك ەكەن.

سونىمەن قاتار ديەتولوگ پىسىرىلمەگەن ەت دۇرىس قورىتىلمايتىنىن ەسكەرتتى. ول الدىمەن اسقازاندا، سودان كەيىن ىشەكتە ۇزاق ۋاقىت تۇرىپ قالادى. وسىعان بايلانىستى ىشەك ميكروفلوراسى بۇزىلادى، اسقازان- ىشەك ديسكينەزياسى پايدا بولادى. سالدارىنان ادامنىڭ جۇرەگى اينيدى، ءىشى قاتادى نەمەسە ديارەيا بولادى.

«مۇنداي تاماقتان كەيىن اسقازان- ىشەك جولدارىنىڭ جۇمىسىن قالپىنا كەلتىرۋ ءۇشىن بىرنەشە كۇننەن بىرنەشە اپتاعا دەيىن ۋاقىت كەتۋى مۇمكىن»، - دەدى ميحاليەۆا.

سوڭعى جاڭالىقتار