شاۆكاتتىڭ چەمپيوندىق تيتۋل ءۇشىن قاشان جەكپە-جەك وتكىزەتىنى بەلگىلى بولدى

ارالاس جەكپە-جەكتەن Dar Team كومانداسىنىڭ باس باپكەرى، قازاقستاندىق ارالاس جەكپە-جەك شەبەرى شاۆكات راحمونوۆپەن جۇمىس ىستەيتىن ازيز رازىيەۆ سپورتشىنىڭ الداعى جوسپارىمەن ءبولىستى. بۇل تۋرالى Sports.kz حابارلايدى.

بۇل تۋرالى ول «ۆەستنيك م م ا» YouTube ارناسىنا بەرگەن سۇحباتىندا ايتتى.

«شاۆكات جاقىندا ستيۆەنا تومپسونمەن كوپشىلىك كۇتكەن، قىزىقتى ءارى تارتىستى جەكپە-جەكتەرىنىڭ ءبىرىن وتكىزەدى. ءيا، رەيتينگىگە وزگەرىس ەندى. راحمونوۆ بەسىنشى ورىندا تۇر. ءبىز UFC- دە كەيدە ونىنشى ءنومىرلى سپورتشىنىڭ چەمپيوندىق اتاق ءۇشىن جەكپە-جەك وتكىزەتىنىن كورىپ ءجۇرمىز جانە وعان ەش تاڭعالمايمىز. شاۆكاتتىڭ بيىل چەمپيوندىق ايقاس وتكىزۋى ەكىتالاي، ءبىراق كەلەسى جىلى، اللا قالاسا، ءبارى جاقسى بولسا، ونى ايتۋلى جەكپە-جەكتەر كۇتىپ تۇر»، - دەدى ول.