شاۆكات راحمونوۆتىڭ UFC دەگى كەلەسى قارسىلاسى ايگىلى كامارۋ ۋسمان بولادى
استانا. KAZINFORM - UFC- دە الەمگە تانىلعان قازاقستاندىق ارالاس جەكپە- جەك شەبەرى شاۆكات راحمونوۆ كەزەكتى كەزدەسۋىن جارتىلاي ورتا سالماقتا (77 كەلىگە دەيىن) UFC چەمپيونى تيتۋلىنىڭ بۇرىنعى يەگەرى نيگەريالىق كامارۋ ۋسمانعا قارسى وتكىزەدى.
جەكپە- جەك لاس- ۆەگاستا (ا ق ش) 8 - جەلتوقساندا وتەتىن UFC 310 تۋرنيرىندە ۇيىمداستارىلادى، دەپ حابارلايدى Sports.kz Championat.com سايتىنا سىلتەمە جاساپ.
بۇل تۋرالى Red Corner mmا ارناسى ءوزىنىڭ الەۋمەتتىك جەلىدەگى پاراقشاسىندا جازدى.
UFC 310 تۋرنيرىندە شاۆكات ورتا سالماقتاعى UFC چەمپيونى بەلال مۋحاممادپەن جۇدىرىقتاسۋى كەرەك بولاتىن. الايدا امەريكالىق- پالەستينالىق جەكپە-جەك شەبەرى دەنساۋلىعىنا بايلانىستى جارىسقا قاتىسا المايتىن بولدى. وسىعان بايلانىستى كوپتەگەن جەكپە- جەك شەبەرلەرى، سونى ىشىندە كامارۋ ۋسمان دا قازاق سپورتشىسىمەن كۇش سىناسۋعا دايىن ەكەنىن مالىمدەدى.
وسىعان دەيىن شاۆكات راحمونوۆ پەن بەلال مۋحامماد اراسىنداعى جەكپە-جەك وتپەي قالۋى مۇمكىن ەكەنى تۋرالى جازدىق.
