شاۆكات راحمونوۆ UFC رەيتينگىنىڭ توپ- ۇشتىگىنە ەندى

  جەڭىلىپ كورمەگەن قازاقستاندىق فايتەر شاۆكات راحمونوۆ UFC ءدىڭ جارتىلاي ورتا سالماق ساناتىندا رەيتينگىن جاقسارتتى.

Kazinform اگەنتتىگى بۇل تۋرالى Sports.kz پورتالىنا سىلتەمە جاساپ حابارلايدى.

ديۆيزيوننىڭ جاڭارتىلعان تىزىمىندە «نوماد» لاقاپ اتىمەن تانىمال قازاقستاندىق سپورتشى ءۇشىنشى ورىندا تۇر. ونىڭ الدىندا بەلال مۇحامماد (2-ورىن)، كامارۋ ۋسمان (1-ورىن) جانە چەمپيون لەون ەدۆاردس ورنالاسقان. كولبي كوۆينگتون بەسىنشى ورىنعا سىرعىدى.

ەسكە سالا كەتسەك، وتكەن دەمالىس كۇندەرى لاس- ۆەگاستاعى (ا ق ش) T- Mobile ارەناسىندا وتكەن UFC 296 تۋرنيرىندە شاۆكات راحمونوۆ ەكىنشى راۋندتا امەريكالىق ستيۆەن تومپسوندى تۇنشىقتىرۋ ادىسىمەن جەڭدى. كەشتىڭ باستى ايقاسىندا لەون ەدۆاردس كولبي كوۆينگتوندى تورەشىلەردىڭ ءبىراۋىزدان قابىلداعان شەشىمىمەن ۇتتى.

كەيىن ش. راحمونوۆ پەن ونىڭ قارسىلاسىنىڭ تۋرنيردەگى تابىسى جاريا ەتىلدى.