شاۆكات راحمونوۆ ترەنەرىنە قىمبات كولىك سىيلادى
استانا. KAZINFORM - جەڭىلىپ كورمەگەن قازاقستاندىق فايتەر شاۆكات راحمونوۆ (18-0) جاتتىقتىرۋشىسى بايان جانعالوۆقا كولىك سىيعا تارتتى. بۇل تۋرالى Sports.kz جازدى.
شاۆكات اتالعان كولىكتى تىزگىندەپ بارىپ، كىلتىن بىردەن ترەنەرىنە تابىستاعان.
بىلعارى قولعاپ شەبەرى شاۆكات راحمونوۆ ترەنەرى بايان جانعالوۆتىڭ جەتەكشىلىگىندە MMA بويىنشا الەم چەمپيونى اتانسا، M-1 Global ليگاسىندا چەمپيون تيتۋلىن جەڭىپ العانىن سونداي- اق UFC الاڭىنا شىعا باستاعانىن ەسكە سالامىز.
ديۆيزيوننىڭ جاڭارتىلعان تىزىمىندە «نوماد» لاقاپ اتىمەن تانىمال قازاقستاندىق سپورتشى ءۇشىنشى ورىندا تۇر. ونىڭ الدىندا بەلال مۇحامماد (2-ورىن)، كامارۋ ۋسمان (1-ورىن) جانە چەمپيون لەون ەدۆاردس ورنالاسقان. كولبي كوۆينگتون بەسىنشى ورىنعا سىرعىدى.
ەسكە سالا كەتسەك، بۇعان دەيىن لاس-ۆەگاستاعى (ا ق ش) T- Mobile ارەناسىندا وتكەن UFC 296 تۋرنيرىندە شاۆكات راحمونوۆ ەكىنشى راۋندتا امەريكالىق ستيۆەن تومپسوندى تۇنشىقتىرۋ ادىسىمەن جەڭدى. كەشتىڭ باستى ايقاسىندا لەون ەدۆاردس كولبي كوۆينگتوندى تورەشىلەردىڭ ءبىراۋىزدان قابىلداعان شەشىمىمەن ۇتتى.
جەڭىلىپ كورمەگەن قازاقستاندىق فايتەر شاۆكات راحمونوۆ (18-0) ءوز ورنىن ساقتاپ قالعانىن جازعان بولاتىنبىز. ول بۇگىندە «نوماد» ۇزدىك ۇشتىكتى تۇيىندەپ تۇر.
