10:50, 17 - جەلتوقسان 2023 | GMT +6
شاۆكات راحمونوۆ UFC-دەگى التىنشى جەڭىسىنە قول جەتكىزدى
قازاقستاندىق بوكسشى شاۆكات راحمونوۆ (17-0) UFC تۋرنيرىندەگى التىنشى جەكپە-جەگىن وتكىزدى، دەپ حابارلايدى Kazinform ءتىلشىسى Sports.kz-كە سىلتەمە جاساپ.
ول لاس-ۆەگاستا (ا ق ش) 296-ءنومىرلى تۋرنيردە ونەر كورسەتتى، وندا ول امەريكاندىق فايتەر ستيۆەن تومپسونمەن (17-6-1) جەكپە-جەك وتكىزدى. بۇل جارتىلاي ورتا سالماقتاعى جەكپە- جەك ءۇش راۋندقا جوسپارلانعانىمەن، ەكىنشى راۋندتا راحمونوۆتىڭ جەڭىسىمەن اياقتالدى.
وسىلايشا شاۆكات راحمونوۆ كاسىپقوي مانسابىنداعى ون سەگىزىنشى جەڭىسىنە قول جەتكىزسە، ستيۆەن تومپسون جەتىنشى رەت جەڭىلىسكە ۇشىرادى.
بۇل راحمونوۆتىڭ 2023 -جىلعى ەكىنشى جەكپە- جەگى بولدى: ناۋرىزدىڭ باسىندا ول امەريكالىق دجەفف نيلمەن (15-5) جەكپە- جەك وتكىزىپ، ونى ءۇشىنشى راۋندتا تۇنشىقتىرۋ تاسىلىمەن قاپى قالدىرعان.
