شاۆكات راحمونوۆ پەن گەرري جەكپە-جەك ءۇشىن قانشا گونورار الادى؟

استانا. قازاقپارات – 8-جەلتوقساندا لاس-ۆەگاستاعى UFC 310 تۋرنيرىنىڭ باستى جەكپە-جەگىنە قاتىسۋشىلاردىڭ اقىسى تۋرالى اقپارات جاريالاندى.

قازاقستاندىق جاۋىنگەر شاۆكات راحمونوۆ يرلانديالىق يەن گەرريگە قارسى جەكپە-جەك ءۇشىن $350 مىڭ كولەمىندە گونورار الادى. ال جەڭىسكە جەتىپ جاتسا، تابىسى تاعى $100 مىڭعا ارتادى.

گەرري وكتاگونعا شىققانى ءۇشىن $150 مىڭدى قالتاعا باسادى. جەڭگەن جاعدايدا $100 مىڭ سىياقى قوسىلادى.

تۋرنيردەگى ەڭ جوعارى گونورار كەشتىڭ باستى جەكپە-جەگىنە قاتىسۋشىلارعا بەرىلەدى. برازيليالىق الەشاندرە پانتوجا $750 مىڭ، ال جاپوندىق كاي اساكۋرا $500 مىڭ تابادى.