شاۆكات ميرزيەيەۆ قازاقستاننىڭ ەڭ جوعارعى ناگراداسى - «التىن قىران» وردەنىمەن ماراپاتتالدى
استانا. KAZINFORM - وزبەكستان پرەزيدەنتى شاۆكات ميرزيەيەۆ قازاقستاننىڭ ەڭ جوعارعى ناگراداسى - «التىن قىران» وردەنىمەن ماراپاتتالادى. بۇل تۋرالى اقوردادا وزبەكستان پرەزيدەنتى شاۆكات ميرزيەيەۆپەن كەلىسسوزدەردەن كەيىنگى بريفينگتە مەملەكەت باسشىسى قاسىم- جومارت توقايەۆ ايتتى.
«ەلدەرىمىزدىڭ اراسىنداعى تاتۋ كورشىلىك پەن وداقتاستىقتى نىعايتۋعا قۇرمەتتى شاۆكات ميرومونوۆيچ ميرزيەيەۆتىڭ ايرىقشا ۇلەس قوسىپ وتىرعانىن ەرەكشە اتاپ وتكىم كەلەدى. وزبەكستان كوشباسشىسىنىڭ بۇل قاجىرلى ەڭبەگىن قازاقستان حالقى اسا جوعارى باعالايدى. مەن وسىنى ەسكەرە وتىرىپ، قۇرمەتتى شاۆكات ميرومونوۆيچتى مەملەكەتىمىزدىڭ ەڭ جوعارعى ناگراداسى - «التىن قىران» وردەنىمەن ماراپاتتاۋ تۋرالى شەشىم قابىلدادىم. بۇل بارشا جۇرتىمىزدىڭ وزبەكستان باسشىسىنا دەگەن ەرەكشە قۇرمەتىنىڭ بەلگىسى. سونداي- اق ەكى ەلدىڭ ەجەلدەن جالعاسىپ كەلە جاتقان ىنتىماق- بىرلىگىنىڭ ايقىن كورىنىسى. قازاقستان مەن وزبەكستاننىڭ مىزعىماس دوستىعى ماڭگى جاساي بەرسىن!»، - دەدى قازاقستان پرەزيدەنتى.
