شاحتاداعى اپات: مەرت بولعان كەنشىلەردىڭ جەكە باسىن انىقتاۋ قيىنعا تۇسۋدە

كوستەنكو شاحتاسىندا مەرت بولعان كەنشىلەردىڭ جەكە باسىن انىقتاۋ قيىنعا ءتۇسىپ جاتىر. بۇل تۋرالى كاسىبي اسكەريلەندىرىلگەن اپاتتىق-قۇتقارۋ قىزمەتتەرىنىڭ رەسپۋبليكالىق ورتالىق شتابى قاراعاندى فيليالى ديرەكتورىنىڭ ورىنباسارى جۇمات وكەنوۆ ايتتى، دەپ حابارلايدى Kazinform ءتىلشىسى.

«شاحتادان قازا بولعان 6 ادامدى شىعاردىق. ەندى ءبىر ساعاتتىڭ ىشىندە 11 ادامدى شىعارامىز. قازىر شاحتانىڭ شىعىس بولىگىنەن مەرت بولعانداردى جوعارى كوتەرۋگە دايىنداپ جاتىرمىز. اپات كەزىندە كەنشىلەردىڭ دەنەلەرىنە قاتتى زاقىم كەلگەن. وسىنىڭ سالدارىنان ولاردىڭ اتى-ءجونىن انىقتاۋ قيىنعا ءتۇسىپ جاتىر»، - دەدى ج. وكەنوۆ.

بۇل تۇرعىدا كوز جۇمعان كەنشىلەردىڭ تۇلعاسىن انىقتاۋعا ءبىرشاما ۋاقىت كەرەك ەكەنىن ايتتى.

«قازىر تابىلماعان 13 ادامدى ىزدەستىرۋگە بار كۇش-جىگەرىمىزدى سالىپ جاتىرمىز. اپات بولعان جەردە ءورت اۋىزدىقتالدى. قازىر شاحتادا قۇتقارۋشىلاردىڭ جۇمىسىنا قاۋىپ جوق»، - دەدى ديرەكتوردىڭ ورىنباسارى.

ەسكە سالايىق، بۇگىن تۇندە قاراعاندى وبلىسىنداعى كوستەنكو اتىنداعى شاحتادا ءورت بولدى. ساعات 17.33 تەگى مالىمەت بويىنشا 33 كەنشىنىڭ دەنەسى تابىلدى، 13 ادام ىزدەستىرىلىپ جاتىر.

29- قازان جالپىۇلتتىق ازا تۇتۋ كۇنى بولىپ جاريالاندى. مەملەكەت باسشىسى قاسىم-جومارت توقايەۆ ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋ تۋرالى تاپسىرما بەردى. كەيىن ۇكىمەتتىڭ باسپا ءسوز قىزمەتى «ارسەلورميتتال تەمىرتاۋ» ا ق- نىڭ مەنشىك قۇقىعىن ق ر مەنشىگىنە قايتارۋ تۋرالى كەلىسىمشارتتىڭ اياقتالۋعا جاقىن ەكەنىن ءمالىم ەتتى.