شاڭحايداعى Tesla ەنەرگيا ساقتاۋ گيگافابريكاسى سىناق ءوندىرىسىن باستادى

استانا. KAZINFORM — امەريكالىق Tesla اۆتووندىرۋشىسىنىڭ شاڭحايداعى مەگافابريكاسىندا Megapack ەنەرگيا ساقتاۋ باتارەيالارىنىڭ جاپپاي ءوندىرىسى 2025-جىلدىڭ I توقسانىندا تولىق كولەمدە باستالادى دەپ جوسپارلانعان.

شينحۋا اقپارات اگەنتتىگىنىڭ مالىمەتىنشە، Tesla-نىڭ قىتايداعى مەگافابريكاسى قۇرىلىس باستالعاننان كەيىن جەتى اي وتكەن سوڭ سەيسەنبى كۇنى ەنەرگيا ساقتاۋ قۇرىلعىلارىنىڭ سىناق ءوندىرىسىن باستادى.

زاۋىت اۋماعى شامامەن 200 مىڭ شارشى مەتردى قۇرايدى.

باستاپقى كەزەڭدە بۇل مەگافابريكانىڭ جىلدىق ءوندىرىس كولەمى ەلەكتر قۋاتىنىڭ جالپى كولەمى شامامەن 40 گۆت/ساع بولاتىن 10 مىڭ Megapack ەنەرگيا ساقتاۋ قۇرىلعىسىن قۇرايدى.

بۇعان دەيىن حابارلاعانىمىزداي، يلون ماسك ءوزى يەلىك ەتەتىن Tesla كومپانياسى شىعارعان Cybercab روبوتتاندىرىلعان تاكسيدى تانىستىردى.