شاڭحايدا حالىقارالىق ىسكەرلىك ىنتىماقتاستىق ايماعى قۇرىلادى

 استانا. KAZINFORM - قىتاي بيلىگى شاڭحايدا حالىقارالىق ىسكەرلىك ىنتىماقتاستىق ايماعىن سالۋ جوسپارىن بەكىتتى. بۇل تۋرالى ق ح ر مەملەكەتتىك كەڭەسىنىڭ قاۋلىسىندا ايتىلعان.

مالىمدەمەدە اتاپ وتىلگەندەي، حالىقارالىق ىسكەرلىك ىنتىماقتاستىق ايماعىن سالۋ جوسپارى قالانىڭ حالىقارالىق اۆياتسيالىق توراپ رەتىندەگى مارتەبەسىنە سۇيەنە وتىرىپ جۇزەگە اسىرىلۋى ءتيىس.

قۇرىلىس جوسپارى:

- قىتايدىڭ (شاڭحاي) پيلوتتىق ەركىن ساۋدا ايماعىنىڭ ينستيتۋتسيونالدىق يننوۆاتسيالىق جەتىستىكتەرىن ءتيىمدى پايدالانۋ؛

- حالىقارالىق ىسكەرلىك كوممۋنيكاتسيالار ءۇشىن وتە قولايلى جاعدايلار جاساۋ؛

- اشىقتىقتى جوعارى دەڭگەيدە ىلگەرىلەتۋگە ۇلكەن ۇلەس قوسۋ ءۇشىن ىشكى جانە حالىقارالىق نارىقتارداعى بايلانىستى جاقسارتۋى ءتيىس.

شانحاي مۋنيتسيپاليتەتىنىڭ حابارلاماسىنا سايكەس، جوبا ءىرى ۇلتتىق اۆياتسيا مەن تەمىرجول توراپتارىن، قالالىق تەمىرجول مەن مەتروپوليتەندى بايلانىستىراتىن مۋلتيمودالدى حابتى قالىپتاستىرۋعا باعىتتالعان. بۇل يانتسزى وزەنىنىڭ جايىلۋ (دەلتا) ايماعىنىڭ ينتەگراتسياسىنا ىقپال ەتىپ، سونداي- اق شاڭحايدىڭ جاھاندىق ىقپالى بار زاماناۋي حالىقارالىق مەگاپوليس قۇرۋ جونىندەگى كۇش- جىگەرىن جەدەلدەتەدى.

شاڭحاي - 25 ميلليون حالقى بار ءىرى مەگاپوليس. 2023 -جىلى قالانىڭ ج ءى ءو 4,72 تريلليون يۋانعا (شامامەن 660 ميلليارد دوللار) جەتتى.

اۆتور

زارينا تۋعانبايەۆا