ش ى ۇ سامميتىن وتكىزۋ كەزىندە استانا اۋە كەڭىستىگى كۇشەيتىلگەن رەجيمدە كۇزەتىلەدى
استانا. KAZINFORM - بيىلعى جىلعى 3-4-شىلدەدە شانحاي ىنتىماقتاستىق ۇيىمى سامميتىن وتكىزۋ كەزىندە استانا قالاسىندا ەلوردانىڭ اۋە كەڭىستىگىن كۇزەتۋ كۇشەيتىلەتىن بولادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
وسىعان بايلانىستى 28-ماۋسىم مەن 1-شىلدە ارالىعىندا قارۋلى كۇشتەر اۆياتسياسىنىڭ ۇشۋ قاۋىپسىزدىگى ەرەجەلەرىنە سايكەس جاتتىعۋ ۇشۋلارى وتكىزىلەدى.
«استانا تۇرعىندارى مەن قوناقتارىنان وتكىزىلەتىن ءىس-شارالارعا تۇسىنىستىكپەن قاراۋدى سۇرايمىز»، - دەلىنگەن حابارلامادا.
وسىعان دەيىن ق ر ءى ءى م شىلدەنىڭ 3-4 كۇندەرى استانادا ش ى ۇ سامميتىنىڭ وتۋىنە بايلانىستى قالا سىرتتان كەلۋشىلەر ءۇشىن جابىق بولمايتىنىن مالىمدەدى. سونداي-اق سامميت وتەتىن كۇندەرى ەلوردا گورنيزوندى تولىق قۇرامدا جۇمىس ىستەيدى.
قازاقستان رەسپۋبليكاسىنىڭ مەملەكەتتىك كۇزەت قىزمەتى استانا تۇرعىندارى مەن قوناقتارىنا 28-ماۋسىمنان باستاپ ەلوردادا شىۇ سامميتىنە دايىندىق اياسىندا جەكەلەگەن كوشەلەردە كولىكتەر مەن جاياۋ جۇرگىنشىلەر قوزعالىسىنا ۋاقىتشا شەكتەۋلەر ەنگىزىلەتىنىن ەسكەرتتى.
