ش ى ۇ سامميتى كۇزدە قىتايدىڭ تيانجيڭ قالاسىندا وتەدى

استانا. KAZINFORM - XIV شاقىرىلىمداعى بۇكىلقىتايلىق حالىق وكىلدەرى جينالىسىنىڭ ءۇشىنشى سەسسياسى 7-ناۋرىز باسپا ءسوز ءماسليحاتىن وتكىزدى. وندا قىتايدىڭ سىرتقى ىستەر ءمينيسترى ۆان ي ەلدىڭ سىرتقى ساياساتى مەن حالىقارالىق قاتىناستار بويىنشا سۇراقتارعا جاۋاپ بەردى.

بۇل تۋرالى The Paper اقپاراتتىق اگەنتتىگى حابارلادى.

ۆان ي بيىل شانحاي ىنتىماقتاستىق ۇيىمى (ش ى ۇ) ءۇشىن «قىتاي جىلى» ەكەنىن اتاپ ءوتتى. «ش ى ۇ قىتايدا ومىرگە كەلدى، شانحايدىڭ اتىمەن اتالدى، بۇل ءبىز ءۇشىن ايرىقشا مانگە يە. ءبىز ش ى ۇ- نىڭ ءوز وتانىنا ورالعانىن قۋانا قارسى الامىز» دەدى مينيستر.

ونىڭ ايتۋىنشا، ش ى ۇ- نىڭ تۇراقتى دامۋىنىڭ نەگىزگى سەبەبى «شانحاي رۋحىن» ۇستانىپ، ءوزارا سەنىم مەن تيىمدىلىك، تەڭقۇقىلىق پەن ءوزارا اقىل-كەڭەس، مادەني ارتۇرلىلىككە قۇرمەت جانە ورتاق دامۋعا ۇمتىلىس قاعيداتتارىن ساقتاي بىلۋىندە. سونىڭ ارقاسىندا ۇيىم وڭىرلىك ىنتىماقتاستىقتىڭ جاڭا مودەلىن قالىپتاستىردى.

- الداعى كۇزدە ش ى ۇ ءسامميتى قىتايدىڭ تيانجيڭ قالاسىندا وتەدى. ش ى ۇ- نا مۇشە ەلدەردىڭ باسشىلارى حايحە جاعالاۋىندا باس قوسىپ، تابىستى تاجريبەلەردى قورىتىندىلاپ، دامۋ باعىتىن ايقىنداپ، ورتاق شەشىمدەر قابىلدايدى. ۇيىم قىتايدا قايتا قاناتتانىپ، ش ى ۇ كەڭىستىگىندە ورتاق تاعدىر قاۋىمداستىعىن قالىپتاستىرۋعا سەرپىن بەرىلەدى، - دەدى ۆان ي.

قىتاي ش ى ۇ اياسىنداعى ىنتىماقتاستىقتى 8 باعىت بويىنشا ىلگەرىلەتەتىنى تۋرالى جازدىق.

اۆتور ەرلان مازان