ش ى ۇ ەلدەرىنىڭ جالپى ىشكى ءونىمى الەمدىك كورسەتكىشتەردەن جوعارى

Фото: Ақорда
Фото: Ақорда

استانا. KAZINFORM - دۇنيەجۇزىلىك بانكتىڭ مالىمەتىنشە، ش ى ۇ ەلدەرىنىڭ جالپى ىشكى ءونىمى 2023-جىلدىڭ سوڭىندا 24,5 تريلليون دوللار نەمەسە الەمدىك ج ءى ءو- ءنىڭ 24 پايىزىن قۇراعان.

ۇلتتىق ينۆەستورلار قاۋىمداستىعى Telegram ارناسىنىڭ مالىمەتىنشە، قىتاي ج ءى ءو- ءنىڭ نەگىزگى ۇلەسى — الەمدىك جالپى ىشكى ءونىمنىڭ 17,79 تريلليون دوللارىن (16,88 پايىز) الادى. ودان كەيىنگى ورىنعا ءۇندىستان (3,55 تريلليون دوللار، 3,37 پايىز) جايعاسقان. سونداي-اق، رەسەي - $2,02 تريلليون (1,92 پايىز)، يران - $0,4 تريلليون (0,38 پايىز) ، پاكىستان - $0,34 تريلليون (0,32 پايىز) ، قازاقستان - $0,26 تريلليون (0,25 پايىز) ، وزبەكستان - $0,09 تريلليون (0,09 پايىز)، قىرعىزستان جانە تاجىكستاننىڭ جالپى ىشكى ءونىمى سايكەسىنشە $0,01 تريلليون (0,01 پايىز) تەڭ كەلەدى.

وسىلايشا ش ى ۇ ەلدەرىنىڭ جالپى ىشكى ءونىمى الەم ەلدەرىنەن الدەقايدا جوعارى قارقىنمەن دامىپ كەلە جاتقانىن اتاپ وتكەن ءجون. مىسالى، ءۇندىستاندا 2023-جىلى ج ءى ءو ءوسىمى - 7,6 پايىز، قىتايدا - 5,2 پايىز، قازاقستاندا - 5,1 پايىز، وزبەكستاندا - 6 پايىز، قىرعىزستاندا - 6,2.

الەمدىك ج ءى ءو- ءنىڭ ورتاشا قارقىنى - 2,7 پايىز، ال ەىدۇ ەلدەرىندە - 1,7 پايىز ەكەنىن ەسكەرسەك، ش ى ۇ ەلدەرىنىڭ جالپى ىشكى ءونىمى بىردەن نازار اۋدارتادى.

وتكەن جىلى قازاقستاننىڭ ش ى ۇ ەلدەرىمەن تاۋار اينالىمى شامامەن 66 ميلليارد دوللارعا جەتكەن. بۇل - بەس جىل بۇرىنعى كورسەتكىشتەن 56,5 پايىزعا ارتىق.

قىتاي شامامەن $41 ميلليارد كورسەتكىشپەن (ەلدىڭ جالپى تاۋار اينالىمىنىڭ 30 پايىزعا جۋىعى) ش ى ۇ ەلدەرى اراسىنداعى قازاقستاننىڭ ەڭ ءىرى ساۋدا ارىپتەسى بولىپ قالا بەرەدى.

دەموگرافيالىق ستاتيستيكاعا كوز جۇگىرتسەك، ش ى ۇ- عا مۇشە ەلدەردە 3,1 ميلليارد ادام نەمەسە پلانەتانىڭ جالپى حالقىنىڭ 42,2 پايىزى تۇرادى. ونىڭ ۇستىنە ش ى ۇ ەلدەرىن دۇنيە جۇزىندەگى جۇمىس كۇشىنىڭ 1,5 ميللياردى (الەمدەگى جالپى جۇمىس كۇشىنىڭ شامامەن 20 پايىز) مەكەن ەتىپ وتىر.

ءبىر قىزىعى، ش ى ۇ- عا مۇشە مەملەكەتتەردىڭ جالپى اۋدانى 34 ميلليون شارشى شاقىرىمنان اسادى. بۇل - ەۋرازيا قۇرلىعىنىڭ 60 پايىزىنان استام.

سوڭعى جاڭالىقتار