ش ى ۇ- عا مۇشە ەلدەردىڭ قۇزىرلى ورگاندارى تەرروريستىك ۇيىمداردىڭ 280 نەن استام وشاعىن انىقتاعان

ШЫҰ
Фото: Әлихан Асқар/Kazinform

 تاشكەنت. KAZINFORM -بۇگىن تاشكەنتتە قىتايدىڭ توراعالىعىمەن شاڭحاي ىنتىماقتاستىق ۇيىمىنىڭ وڭىرلىك تەرروريزمگە قارسى قۇرىلىم (ش ى ۇ ءو ت ق ق) كەڭەسىنىڭ 41- وتىرىسى ءوتتى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

وتىرىسقا ءۇندىستان، يران، قازاقستان، قىتاي، قىرعىزستان، پاكىستان، رەسەي، تاجىكستان جانە وزبەكستاننىڭ قۇزىرەتتى ورگان وكىلدەرى مەن ش ى ۇ ءو ت ق ق اتقارۋشى كوميتەتىنىڭ دەلەگاتتارى قاتىستى.

ونىڭ بارىسىندا ش ى ۇ وڭىرلىك تەرروريزمگە قارسى كۇرىلىمىنىڭ كەڭەسى 3-قاڭتاردا يراننىڭ كەرمان قالاسىندا، 22-ناۋرىزدا رەسەيدەگى «كروكۋس سيتي حولل» عيماراتىندا جانە 26-ناۋرىزدا پاكىستاننىڭ حايبەر-پاحتۋنحۆا پروۆينتسياسىندا بولعان تەررورلىق اكتىلەردى قاتاڭ ايىپتاپ، مالىمدەمە جاسادى. تيىسىنشە، قاتىسۋشىلار لاڭكەستىك ارەكەتتەردىڭ قۇرباندارىن ءبىر مينۋت ۇنسىزدىكپەن ەسكە الدى.

وتىرىس اياسىندا اتالعان ۇيىمنىڭ كەيىنگى بىرنەشە جىلدا اتقارعان جۇمىسىنىڭ قورىتىندىسى شىعارىلىپ، قازىرگى تاڭدا تۋىنداپ جاتقان قاۋىپتەرگە ساي كۇن تارتىبىندەگى ماسەلەلەر قارالدى.

Кеңес
Фото: Әлихан Асқар/Kazinform

«كەيىنگى 3 جىلدا ۇيىمعا مۇشە مەملەكەتتەردىڭ وكىلەتتى ورگاندارى جانە وڭىرلىك تەرروريزمگە قارسى قۇرىلىمنىڭ كۇشىمەن حالىقارالىق تەرروريستىك ۇيىمداردىڭ 280 نەن استام وشاعى انىقتالىپ، ولاردىڭ جولى كەسىلدى. سونداي- اق، اينالىمنان 7,5 مىڭ قارۋ شىعارىلىپ، جارىلعىش زاتتار الىندى. 225 مىڭ ءتۇرلى وق-دارىلەر تاركىلەندى جانە تەرروريزم، سەپاراتيزم، ەكسترەميزمدى ناسيحاتتاعان 320 مىڭنان استام سايت بۇعاتتالدى»، - دەدى ش ى ۇ ءو ت ق ق اتقارۋشى كوميتەتىنىڭ ديرەكتورى رۋسلان ميرزايەۆ.

وتىرىستا ءبىرقاتار قۇجاتقا قول قويىلدى جانە قازاقستان ۇسىنعان ش ى ۇ- عا مۇشە ەلدەردىڭ اۋماعىنداعى بەيبىتشىلىككە ءقاۋىپ توندىرەتىن جاعدايلارعا قارسى بىرلەسكەن ءىس-قيمىلدار شاراسى بەكىتىلدى.

«قازىرگى گەوساياسي تۇراقسىزدىق ءبىزدىڭ بىرلەستىگىمىزگە دەگەن وزگە ەلدەردىڭ قىزىعۋشىلىعىن ارتتىرا ءتۇستى. ۇيىم قىزمەتى بارىسىندا بايقاۋشى مەملەكەت مارتەبەسىن الۋعا – 10، ال ديالوگ بويىنشا سەرىكتەس مارتەبەسىن الۋعا 20 ءوتىنىش كەلىپ ءتۇستى. ش ى ۇ ءوز جۇمىسىن التى مۇشە مەملەكەتپەن باستاپ، بۇگىندە 26 ەلدى بىرىكتىرگەن ۇلكەن «وتباسىعا» اينالدى. قازىرگى ۋاقىتتا ۇيىمعا تاياۋ شىعىس، سولتۇستىك افريكا، وڭتۇستىك جانە وڭتۇستىك- شىعىس ازيا ەلدەرىنىڭ قىزىعۋشىلىعى باسىم»، - دەدى ش ى ۇ باس حاتشىسىنىڭ ورىنباسارى نۇرلان ەرمەكبايەۆ.

Қозоғистоннинг терроризмга қарши кураш ташаббуси ШҲТ томонидан маъқулланди
Фото: Мадибек Жанибеков / Kazinform

سونىمەن قاتار، باسقوسۋدا الداعى كەزەڭگە ارنالعان جوسپارلار تالقىلاندى. ماسەلەن، ش ى ۇ- عا مۇشە مەملەكەتتەر شەكارا قىزمەتتەرىنىڭ «ىنتىماق - 2024» بىرلەسكەن شەكارا وپەراتسياسىن وتكىزۋ كوزدەلگەن.

وتىرىس سوڭىندا ماماندار ش ى ۇ ءو ت ق ق- نىڭ كەزەكتى وتىرىسىن قىتايدا وتكىزۋگە ۋاعدالاستى.

سوڭعى جاڭالىقتار