ش ق و رۋدنيگىندە ەكىنشى جۇمىسشى توپىراق استىنان شىعارىلدى
شىعىس قازاقستان وبلىسى گلۋبوكوە اۋدانىنداعى كەنىشتە توپىراق استىندا قالعان ەكىنشى جۇمىسشى امان- ەسەن شىعارىلدى، kazinform.

گلۋبوكوە اۋدانى التاي كەنتىندەگى كەنىشتە توپىراق استىندا قالعان جۇمىسشىنى قۇتقارۋ ءۇشىن ش ق و توتەنشە جاعدايلار دەپارتامەنتىنىڭ باستىعى ەرعالي باحايەۆ پەن اپاتتىق- قۇتقارۋ جۇمىستارىن جۇرگىزۋ بويىنشا ارنايى قىزمەتتەر ءوزارا بىرلەسىپ ارەكەت ەتتى. 32 جاستاعى جۇمىسشى ساعات 19.00 شاماسىندا امان- ەسەن توپىراق استىنان شىعارىلدى. «تاۋ- كەن قۇتقارۋشىلارى مەن اپاتتار مەديتسيناسى ورتالىعىنىڭ دارىگەرلەرى ەر ادامدى الىپ شىقتى. ءقازىر ونىڭ دەنساۋلىعىن تەكسەرىپ، قاجەتتى كومەك كورسەتىپ جاتىر»، - دەپ حابارلادى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنەن.
وسى رەتتە، دەپارتامەنت باستىعى ەرعالي باحايەۆ قۇتقارۋ ءىس- قيمىلدارى بارىسىندا ۇيلەسىمدى جۇمىس ىستەگەن بارلىق قىزمەتتەردىڭ وكىلدەرىنە العىسىن ءبىلدىردى.
ەسكە سالساق، بۇگىن ش ق و- داعى كەنىشتە ەكى جۇمىسشى توپىراق استىندا قالعان بولاتىن. ونىڭ ءبىرى امان- ەسەن قۇتقارىلعان سوڭ بىردەن گلۋبوكوە اۋدانىنداعى اۋرۋحاناعا جەتكىزىلدى.