ش ق و قۇتقارۋشىلارى جۇمىستا ۇلتتىق كيىممەن ءجۇر
وسكەمەن. KAZINFORM - شىعىس قازاقستان وبلىسىنىڭ قۇتقارۋشىلارى ۇلتتىق كيىم كۇنىن اتاپ وتۋدە.
18-ناۋرىز ەلىمىزدە -ۇلتتىق كيىم كۇنى.
سوندىقتان ش ق و توتەنشە جاعدايلار دەپارتامەنتىنىڭ قىزمەتكەرلەرى جۇمىسقا ۇلتتىق كيىم كيىپ كەلگەن.
قۇتقارۋشىلار، ديسپەتچەرلەر، ءورت ءسوندىرۋ اۆتوكولىكتەرىنىڭ جۇرگىزۋشىلەرى، كادر قىزمەتىنىڭ ماماندارى جانە مەملەكەتتىك ءورت باقىلاۋ ينسپەكتورلارى جۇمىسقا بەشپەت، جيلەت جانە ءداستۇرلى ۇلتتىق ويۋ-ورنەكتەرى بار كيىم كيىپ، ساندەنىپ كەلدى.
قىزدار زەرگەرلىك بۇيىمدارىن تاعىنىپ، ادەمى سىرعالارى مەن القالارىن پاش ەتۋدە.
«ۇلتتىق كيىم- كەشەك ادامنىڭ سىرتقى سۇلۋلىعىن كورسەتىپ قانا قويماي، باي- رۋحاني الەمىن، ءوز حالقىنا دەگەن سۇيىسپەنشىلىگىن بەينەلەيدى. سوندىقتان دا وسىنداي كۇننىڭ ءمان- ماڭىزى زور»، - دەيدى وبلىستىق ت ج د باستىعىنىڭ ورىنباسارى ايدىن مۋستافين.
اۆتور
تالعاتجان مۇحامەتبەك ۇلى
