ش ق و-دا پيروتەحنيكا ساتىلاتىن ورىندارعا رەيد جۇرگىزىلىپ، 600 گە جۋىق ءونىم تاركىلەندى

شىعىس قازاقستان وبلىسىندا پيروتەحنيكا ونىمدەرىن زاڭسىز ساتۋعا جول بەرمەس ءۇشىن ارنايى رەيدتەر جۇرگىزىلۋدە، دەپ حابارلايدى Kazinform.

ءوڭىر قۇتقارۋشىلارى مەن پوليتسەيلەرى بىرىگىپ، سەرتيفيكاتتالماعان پيروتەحنيكا ونىمدەرى ساۋداسىنا جول بەرمەس ءۇشىن 60 قا جۋىق رەيد جۇرگىزدى. سونىڭ بارىسىندا ساۋداگەرلەردە وتشاشۋلاردى ساتۋعا ليتسەنزيانىڭ بار-جوعى تەكسەرىلەدى.

وبلىس بويىنشا بارلىعى 43 رەيدتىك توپ قۇرىلعان. ولار ءجىتى تەكسەرۋ جۇرگىزىپ، 559 دانا كونترافاكتىلىك ءونىمدى تاركىلەندى. ق ر ا ق ب ت ك-نىڭ 196-بابى 1-بولىگىمەن 13 حاتتاما تولتىرىلدى. وسكەمەن، التاي، ريددەر قالالارىندا، كۇرشىم، زايسان، شەمونايحا، كاتونقاراعاي، گلۋبوكوە جانە تارباعاتاي اۋداندارىندا زاڭسىز ساۋدا نۇكتەلەرى انىقتالدى.

«پيروتەحنيكا ساۋداسى كۇن ساۋلەسى مەن جاۋىن-شاشىننىڭ ونىمدەرگە ءتۇسۋىن بولدىرمايتىن دۇكەندەردە، پاۆيلونداردا جانە دۇڭگىرشەكتەردە رۇقسات ەتىلەدى. سول جەرلەر شتاتتان تىس جاعدايلاردا ادامدار ەۆاكۋاتسيالانا الاتىنداي بولۋى ءتيىس جانە وندا العاشقى ءورت ءسوندىرۋ قۇرالدارى بولۋى قاجەت»، - دەيدى ش ق و ت ج د مەملەكەتتىك ءورت باقىلاۋ باسقارماسىنىڭ باستىعى نۇرجان ءومىرجانوۆ.