وسكەمەندەگى ارنايى ح ق ك و-نىڭ بۇرىنعى باسشىسى سوتتالدى
استانا. KAZINFORM - ق م ا شىعىس قازاقستان وبلىسى بويىنشا دەپارتامەنتى «ازاماتتارعا ارنالعان ۇكىمەت» ك ە ا ق فيليالىنىڭ وسكەمەن قالاسىنداعى مامانداندىرىلعان ءبولىمىنىڭ بۇرىنعى باسشىسىنا قاتىستى قىلمىستىق ءىستى اياقتادى.
2023 -جىلدىڭ اقپان مەن قازان ايلارى ارالىعىندا كۇدىكتىنىڭ جۇرگىزۋشى كۋالىگىن الۋ ءۇشىن جول قوزعالىسى ەرەجەلەرىن بىلۋگە تەوريالىق ەمتيحان تاپسىرعان ازاماتتاردان زاڭسىز سىياقى الۋ سحەماسىن ۇيىمداستىرعانى انىقتالدى.
Follow the money قاعيداتى بويىنشا تەرگەۋ ءىس-قيمىلدارىن جۇرگىزۋدى كوزدەيتىن اگەنتتىكتىڭ «پاراللەلدى قارجىلىق تەرگەۋ» ىسكە اسىرىلىپ جاتقان جوباسى 32 ميلليون تەڭگەدەن استام زاڭسىز سىياقىلار تۇرىندە الىنعان قىلمىستىق تابىستى انىقتاۋعا مۇمكىندىك بەردى.
تەرگەۋ بارىسىندا كۇدىكتىنىڭ بانكتەگى جەكە شوتىنا موبيلدى قوسىمشا ارقىلى سىياقى العانى بەلگىلى بولدى. مۇنداي كىرىستەر قۇقىق قورعاۋ ورگاندارىندا كۇدىك تۋدىرۋى مۇمكىن ەكەنىن ءتۇسىنىپ، ولاردىڭ قىلمىستىق شىعۋ تەگىن جاسىرۋ ماقساتىندا كۇدىكتى سول بانكتەگى شوتتارى اراسىندا بىرنەشە رەت اۋدارىمدار جاساعان. بۇدان باسقا، پاراللەلدى قارجىلىق تەرگەۋ شەڭبەرىندە قىلمىستىق اقشا قاراجاتىنا كۇدىكتىنىڭ وسكەمەن قالاسىندا ەكى بولمەلى پاتەر ساتىپ الىنعانى جانە ونى جاسىرۋ ماقساتىندا اناسىنا رەسىمدەلگەنى انىقتالدى.
- كەيىننەن بۇل پاتەر تاۋلىكتىك جالعا بەرۋ ءۇشىن پايدالانىلىپ، 1,2 ميلليون تەڭگەدەن استام قوسىمشا قىلمىستىق تابىس اكەلگەن. سونىمەن قاتار، تاركىلەۋگە جول بەرمەۋ ماقساتىندا كۇدىكتى سوتقا دەيىنگى تەرگەپ-تەكسەرۋ باستالعاننان كەيىن اتالعان پاتەردى ساتىپ الۋ-ساتۋ شارتتارى بويىنشا ءۇشىنشى تۇلعالارعا تىركەگەن، - دەلىنگەن ق م ا حابارلاماسىندا.
سوت ۇكىمىمەن كۇدىكتى كىنالى دەپ تانىلدى. وعان قىلمىستىق جولمەن الىنعان 19,5 ميلليون تەڭگە بولاتىن وسكەمەن قالاسىنداعى ەكى بولمەلى پاتەردى مەملەكەت كىرىسىنە تاركىلەي وتىرىپ، 3 جىل مەرزىمگە باس بوستاندىعىن شەكتەۋ تۇرىندەگى جازا تاعايىندالدى.
اۆتور
ەلميرا ورالبايەۆا
