ش ق و-دا اجەلەرگە ەسكەرتكىش ورناتىلادى

ШҚО
Фото: Д.Серікбаев атындағы ШҚТУ баспасөз қызметінен

وسكەمەن. KAZINFORM -وسكەمەن قالاسىندا اجەلەردىڭ قۇرمەتىنە ارنالعان العاشقى «اجە» مونۋمەنتالدى ەسكەرتكىشى ورناتىلادى. بۇل تۋرالى «اجەلەر القاسى» وبلىستىق فورۋمىندا بەلگىلى بولدى.

وسكەمەن قالاسىندا اجەلەردىڭ قاتىسۋىمەن وبلىستىق فورۋم ءوتتى. بۇعان دەيىن وڭىردە ارداگەرلەر القاسىنىڭ جانىنان «اجەلەر القاسى» كەڭەسى قۇرىلعان بولاتىن. ءوز كەزەگىندە شىعىس قازاقستان وبلىسىنىڭ اكىمى ەرمەك كوشەربايەۆ اجەلەردىڭ وتباسى ينستيتۋتىن نىعايتۋعا قوساتىن ۇلەسىن ايرىقشا اتاپ ءوتىپ، ولاردى باعالاۋ كەرەك ەكەنىن جەتكىزدى.

«ءبىز اكەسىن قۇرمەتتەگەن، اناسىن ارداقتاعان حالىقپىز. سوندىقتان بۇگىنگى ءىس- شارانىڭ ءمانى مەن ماعىناسى زور. مەملەكەت باسشىسى قاسىم-جومارت توقايەۆ «حالىقتىڭ بەرەكە-بىرلىگىن ساقتاۋ ەلدىگىمىز ءۇشىن اسا ماڭىزدى. بۇل ىستە زيالى قاۋىم ايرىقشا ءرول اتقارادى. اعا بۋىن جاس ۇرپاققا جول نۇسقاپ، باعىت- باعدار بەرۋى كەرەك» دەپ اتاپ وتكەن بولاتىن. بۇكىل سانالى عۇمىرىن ەل يگىلىگىنە، ۇرپاق تاربيەسىنە جۇمساعان اعا بۋىنعا ءبىز ءارقاشان قارىزدارمىز. قۇرامىندا 120 مىڭنان استام قارياسى بار وبلىستىق ارداگەرلەر كەڭەسى جانىنان «اجەلەر القاسى» قۇرىلدى. اسىل اجەلەرىمىز ساليقالى ۇرپاق تاربيەلەپ، وتباسىلىق قۇندىلىقتاردى نىعايتىپ، سالت- ءداستۇردى ناسيحاتتاپ ءجۇر. اجەلەر القاسى وبلىستىڭ ءار قالاسى مەن اۋدانىندا جۇمىس ىستەيتىن بولادى. اق جاۋلىقتى انالارىمىزدىڭ باستامالارىن تولىعىمەن قولدايمىز. ۇرپاقتار ساباقتاستىعىن جالعاستىرۋ جولىندا جاستارمەن جۇيەلى جۇمىس جۇرگىزۋ وتە ماڭىزدى. ۇلى اباي اتاپ وتكەن «پايدا ەمەس، اردى ويلايتىن» ۇرپاق تاربيەلەۋدە اسىل انالارىمىزدىڭ ورنى ەرەكشە. بارلىق انا مەن اجەگە قۇرمەت كورسەتە وتىرىپ، ءبىز وسكەمەندە «اجە» مونۋمەنتالدى ەسكەرتكىشىن ورناتامىز» ، - دەدى ايماق باسشىسى.

ШҚО
Фото: Д.Серікбаев атындағы ШҚТУ баспасөз қызметінен

ەرمەك كوشەربايەۆ اتادان بالاعا ميراس بولىپ قالعان ۇلتتىق قۇندىلىقتارىمىزدى دارىپتەيتىن ارداگەرلەر كەڭەسىنىڭ جانىنان وسكەلەڭ ۇرپاقتى ۇلتتىق قولونەردىڭ ءداستۇرلى تۇرىنە باۋليتىن بولىمدەر اشۋدى ۇسىندى.

«بالا تاربيەسىندەگى قازاقتىڭ وزىق ۇلگىسى - اتا- اجە تاربيەسى ەدى. وسىنى ەسكەرە وتىرىپ، اقساقالدار مەن اجەلەر ۇلتتىق كولونەر شەبەرلىگىنىڭ قىر-سىرىن جاستارعا ۇيرەتەتىن، ۇمىت قالعان يگى ءداستۇردى جاڭعىرتاتىن ءبولىم نەمەسە ورتالىق قۇرۋىمىز كەرەك. اعا بۋىننىڭ ونەرى، مەكتەبى، ونەگەسى - بۇگىنگى قوعامعا كەرەك باعا جەتپەس بايلىق، بويعا تەرەڭ سىڭىرەتىن تاپتىرماس تاربيە قۇرالى»، - دەدى شىعىس قازاقستان وبلىسىنىڭ اكىمى.

فورۋم بارىسىندا وبلىستىڭ قوعامدىق ومىرىنە ۇلەس قوسقان اعا بۋىن وكىلدەرىنە «ش ق و قۇرمەتتى ارداگەرى» توسبەلگىسى تابىستالىپ، ولار العىس حاتتارمەن ماراپاتتالدى.

ШҚО
Фото: Д.Серікбаев атындағы ШҚТУ баспасөз қызметінен

«فورۋمعا شاقىرتۋ تۇسكەن سوڭ ويلانباستان كەلىسىمىمدى بەردىم. سەبەبى وسىنداي ءىس- شارالار اسا قاجەت. ۇرپاق تاربيەسى وتباسىنان باستالادى.

«قارتى بار ءۇيدىڭ - قازىناسى بار» دەيدى. سول قازىنانى وزىمىزبەن بىرگە الىپ كەتپەي، جاس بۋىنمەن ءبولىسۋىمىز قاجەت. ءبىز كىتاپحاناعا، مەكتەپتەرگە، ۋنيۆەرسيتەتتەرگە، قارتتار ۇيىنە بارىپ ءتۇرلى ءىس-شارالارعا قاتىسىپ كەلەمىز. قايىرىمدىلىققا دا اتسالىسىپ، مۇقتاج جاندارعا قولىمىزدان كەلگەنشە كومەكتەسۋگە تىرىسامىز. ەڭ باستىسى - مەيىرىمدىلىك. ءبىر- بىرىمىزگە مەيىرىمدى بولىپ، قۋانىش سىيلاپ جۇرەيىك»، - دەدى 12 نەمەرە، 3 شوبەرە ءسۇيىپ وتىرعان اجە رايسا جاكۋبايەۆا.

سوڭعى جاڭالىقتار