ش ق و-دا جول اپاتىن جاساعان جۇرگىزۋشى پوليتسيادان الدىمەن كولىگىمەن، كەيىن جاياۋ قاشقان
استانا. KAZINFORM - شىعىس قازاقستان وبلىسىندا جول اپاتىن جاساعان جۇرگىزۋشى وقيعا ورنىنان قاشۋعا تىرىسقان، - دەپ حابارلايدى Massaget.kz.
الدىن الا مالىمەت بويىنشا پوليتسياعا جۇرگىزۋشى ماساڭ كۇيدە جول اپاتىن جاساپ، وقيعا ورنىنان قاشۋعا تىرىسقانى تۋرالى حابارلاما تۇسكەن.
پوليتسيا قىزمەتكەرلەرى دەرەۋ شارا قابىلداعان. جۇرگىزۋشى كولىگىن تاستاپ، جاياۋ قاشۋعا تىرىسقانىمەن، پوليتسيا قىزمەتكەرلەرى ونى ۇستاعان.
«ول 45 جاستاعى ەر ادام بولىپ شىقتى. مەديتسينالىق كۋالاندىرۋ ناتيجەسىندە ول ماساڭ كۇيدە بولعانى انىقتالدى. وعان ق ر ا ق ب ت ك-نىڭ 608-بابى 1-بولىگىنە سايكەس اكىمشىلىك حاتتاما تولتىرىلدى. كولىك ارنايى تۇراققا قويىلدى»، - دەدى پ د وكىلى.
