دزيۋدو: قازاقستان جاڭا ماۋسىمدى الەمدىك رەيتينگتە نەشىنشى ورىنمەن باستايدى

استانا. KAZINFORM - دزيۋدودان جاڭا ماۋسىمداعى العاشقى ءىرى حالىقارالىق جارىس فرانسيانىڭ پاريج قالاسىندا وتەتىن Grand Slam سەرياسىنىڭ كەزەڭى بولماق، دەپ حابارلايدى El.kz اقپارات اگەنتتىگى.

تۋرنير 1-2-اقپان ارالىعىندا وتەدى. بۇل تۋرنير ەرەكشە ماڭىزعا يە. سەبەبى دزيۋدوشىلار وتكەن جىلدىڭ جەلتوقسان ايىنىڭ ورتاسىندا رەسمي تۇردە ەنگىزىلگەن جاڭا ەرەجەلەر بويىنشا سىنعا تۇسەدى.

قازىر قازاقستان قۇراماسى الەمدىك رەيتينگىدە 12-ورىندا تۇر. جيناعان ۇپاي سانى - 87541.

كوش باسىندا - جاپونيا (219217 ۇپاي). ەكىنشى ورىندا - فرانسيا (184924 ۇپاي). ءۇشىنشى ورىندى بەيتاراپ تۋدىڭ استىندا ونەر كورسەتەتىن سپورتشىلار يەلەنۋدە (114452 ۇپاي).