دزيۋدو: جەڭىمپازدار مەن جۇلدەگەرلەر ماراپاتتالدى

استانا. KAZINFORM - بۇگىن الماتى وبلىسىندا قازاقستان ۇلتتىق قۇراما كومانداسىنىڭ وقۋ-جاتتىعۋ جيىنى اياسىندا سپورتشىلاردى ماراپتتاۋ شاراسى ءوتتى.

ق ر دزيۋدو فەدەراتسياسى ءمالىم ەتكەندەي، فەدەراتسيا پرەزيدەنتى قۋانىشبەك ەسەكەيەۆتىڭ جەتەكشىلىگىمەن وتكەن كەشتە 2024-جىلعى سپورت ماۋسىمىندا جوعارعى كورسەتكىشكە قول جەتكىزگەن سپورتشىلار اقشالاي سىيلىققا يە بولدى.

Grand Slam كەزەڭدەرىنىڭ كۇمىس-قولا جۇلدەگەرى ءابيبا ءابۋجاقىنوۆا 1.7 ميلليون، Grand Slam جارىسىنىڭ جەڭىمپازى نۇرقانات سەرىكبايەۆ - 1 ميلليون، Grand Slam كەزەڭدەرىنىڭ قولا جۇلدەگەرلەرى نۇرلىحان شارحان، دانيار شامشايەۆ جانە عاليا تىنبايەۆا 400 مىڭ تەڭگەلىك سەرتيفيكاتتارمەن ماراپاتتالدى.

ءىس-شارا سوڭىندا قازاقستان دزيۋدو فەدەراتسياسىنىڭ پرەزيدەنتى قۋانىشبەك ەسەكەيەۆ دزيۋدوشىلارعا الداعى ازيا چەمپيوناتىنا ساتتىلىك تىلەدى.

ەستەرىڭىزگە سالا كەتەيىك، وسىعان دەيىن دزيۋدودان 20-22-ءساۋىر ارالىعىندا گونكونگتا وتەتىن XXXII ازيا چەمپيوناتىندا ەل نامىسىن كىمدەر قورعايتىنى تۋرالى جازعان بولاتىنبىز.

ازيا چەمپيوناتىندا 1-ورىنعا - 700 ۇپاي، كۇمىس جۇلدەگەرگە - 490 ۇپاي، قولا مەدال العاندارعا 350 ۇپاي بەرىلەدى.

ايتا كەتەيىك، قازاقستان قۇراماسى 1993-جىلدان بەرى ازيا چەمپيوناتىنا قاتىسىپ، 14 التىن، 24 كۇمىس، 77 قولا جەڭىپ العان.