دىمقىل شومىلۋعا ارنالعان كيىممەن ۇزاق ۋاقىت جۇرۋگە بولا ما؟ ۋرولوگ ءتۇسىندىردى
استانا. KAZINFORM - دارىگەر، ۋرولوگ-اندرولوگ ماكسيم پرەدەل دىمقىل شومىلۋعا ارنالعان كيىممەن ۇزاق ۋاقىت ءجۇرۋ قانشالىق قاۋىپتى ەكەنىن ءتۇسىندىردى، - دەپ حابارلايدى Massaget.kz.

ەگەر دىمقىل شومىلۋعا ارنالعان كيىم كيگەن ايەل نەمەسە ەر ادام ساۋ بولسا، ياعني ولاردا ءزار شىعارۋ جۇيەسىنىڭ سوزىلمالى اۋرۋلارى، جىنىس ايماعىنىڭ دەرماتيتىنە بەيىمدىلىك بولماسا، ىستىق اۋا رايىندا جاعاجايدا نەمەسە باسسەيندە ءجۇرۋ قاۋىپسىز، ويتكەنى ولار تەز كەبەدى.
دىمقىل شومىلۋعا ارنالعان كيىم كيىپ ۇزاق ۋاقىت ءجۇرۋ نەسىمەن قاۋىپتى؟
شومىلۋعا ارنالعان كيىمدەردىڭ قۇرامىندا ادەتتە سينتەتيكا كوپ. ول سۋمەن بايلانىسقان كەزدە جىلىجاي اسەرى پايدا بولادى، ال بۇل زالالدى فلورا جاقسى كورەتىن ورتا. سالدارىنان باكتەريالار مەن ساڭىراۋقۇلاقتار بەلسەندى تۇردە كوبەيە باستايدى، بۇل ءوز كەزەگىندە مىنا اۋرۋلاردىڭ دامۋىنا اكەپ سوقتىرۋى مۇمكىن:
ۆاگينيتا؛
تسيستيت؛
ۋرەتريت؛
بالانوپوستيتا؛
پروستاتيت؛
دەرماتيت.
ەگەر ءسىز سالقىن اۋا رايىندا دىمقىل شومىلۋعا ارنالعان كيىمدە جۇرسەڭىز، سۋىق تيگىزىپ الۋىڭىز ىقتيمال، ودان جامباس مۇشەلەرىندەگى ميكروتسيركۋلياتسيا ناشارلايدى، باكتەريالار دا جوعارىدا اتالعان اۋرۋلاردى تۋدىرۋى مۇمكىن.
مىنا اۋرۋلارمەن اۋىراتىن بولساڭىز، دىمقىل شومىلۋعا ارنالعان كيىممەن جۇرۋگە بولمايدى!
«ەگەر ايەل ءتسيستيتتىڭ ءجيى ورشۋىنەن زارداپ شەگەتىن بولسا، شومىلىپ بولعاننان كەيىن بىردەن كيىم اۋىستىرعانى ابزال»، - دەدى مامان.
قورىتىندى:
ىلعال شومىلۋعا ارنالعان كيىمدى ۇزاق ۋاقىت كيىپ جۇرۋگە بولمايدى؛
شومىلىپ بولعاننان كەيىن ۇيگە بارار جولدا مەيلىنشە قۇرعاق كيىم كيۋ، ياعني كيىم اۋىستىرۋ. دۋش قابىلداۋ، ال ەگەر مۇمكىن بولماسا، ۇيدە ينتيمدىك گيگيەنانى ساقتاۋ كەرەك.