ديماشتىڭ الەمدىك تۋرنە اياسىنداعى كەلەسى كونسەرتى ماجارستاندا وتەدى

ديماشتىڭ بۇكىلالەمدىك STRANGER تۋرنەسى اياسىنداعى كەلەسى كونسەرتى ماجارستاندا وتەدى، دەپ حابارلايدى Kazinform ءانشىنىڭ رەسمي سايتىنا سىلتەمە جاساپ.

ۆەنگريا استاناسى قوناقتاردى ساۋلەت ەسكەرتكىشتەرىمەن، تەرمالدى سۋىمەن جانە ادەمى كوپىرلەرىمەن قارسى الادى.

كونسەرت قالانىڭ ەڭ ۇلكەن جابىق الاڭدارىنىڭ ءبىرى - لاسلو پاپپا اتىنداعى سپورت الاڭىندا وتەدى.

#STRANGERTourHU شوۋىندا ديماش جانە ونىڭ كومانداسى ءداستۇرلى جانە زاماناۋي ستيلدەگى ەڭ قىزىقتى كومپوزيتسيالاردى ۇسىنادى، ءارتۇرلى تىلدە ءان شىرقاپ، قازاقتىڭ ۇلتتىق دىبىستىق جانە ۋلترا زاماناۋي اۋەن تەحنيكاسىن ءبىر تۋىندىدا قالاي ۇيلەستىرۋگە بولاتىنىن كورسەتەدى.

بيلەت ساتىلىمى مىنا سىلتەمەدە 5- جەلتوقساندا باستالادى.